1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

په خوست کي پر امريکايي اډې ځانمرگی بريد

افغان چارواکي وايي، چي په خوست کي پر یوې امريکايی اډې باندي په یوه ځانمرګي برید کي ۳ تنه افغانان وژل سوي دي. د ناټو یوه ویاند خبر ورکړی دی، چي په خوست کي د دوی پر اډې باندي په حمله کي ۷ تنه نور کسان ټپيان سوي دي. خو په قربانیانو کي د ایساف عسکر نه دي شامل. د افغانستان د کورنیو چارو وزارت په حواله یوه ځان وژونکي د «چپمن» نظامي اډې ته د ننوتلو پر مهال خپل د چاودیدونکو موادو موټر وچاود. تقریباً درې کاله دمخه په یوه ورته حمله کي په دغه ا‌ډه کي دCIA اووه تنه کارکوونکي او یو اردنی ارتباطي کس وژل سوي ول. د حملې مسئولیت طالبانو پر غاړه اخیستی دی.