1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په خوست او پکتيکا کي هوايي بريدونو بيا مرگ ژوبله اړولې

افغان چارواکي وايي، چي د پکتيکا ولايت په يحى خيلو ولسوالۍ کي يي، پر وسله والو طالبانو بريد کړى او ګڼ شميرجنګياليو ته يي مرګ ژوپله اړولي. په خوست کي هم د يو ساختماني شرکت پر ساتونکو باندي په هوايي بريد کي درې ته وژل سوي.

په افغانستان کي د بهرنيو عسکرو څرخي الوتکه د بمبارد پر مهال

په افغانستان کي د بهرنيو عسکرو څرخي الوتکه د بمبارد پر مهال

پيښه تيره شپه ديادي ولسوالۍ په شملزيو کلي کي رامنځته سوي. د پکتيکا د والي وياند مخلص افغان المان ږغ راډيو ته وويل، چي د وسله والو مخالفينو پرخلاف په دغه عمليات کي افغان او بهرني ځواکونه ګډه برخه لري او د ناټو ځواکونو پوځي چورلکي هم د وسله والو په ځپلو کي همکاري کوي.

د افغان په خبره د لومړنيو معلوماتو له مخه ښايي ، چي په دغه بريدونو کي ١٢ وسله وال طالبان وژل سوي او يو شمير سپکي او درنې وسلي هم د ځواکونو لاس ته ورغلي.

هغه وايي، چي په وژل سويو وسله والوکي يو شمير بهرني جنګيالي هم شامل دي، چي جسدونه يې اوس مهال د يخى خيلو ولسوالۍ ته ليږدول سوي دي.

د پکتيکا د والي وياند مخلص افغان زياتوي ، چي په ياده سيمه کي اوس هم د افغان او بهرنيو ځواکونو ګډ عمليات دوام لري. بلخوا د يادي سيمي اوسيدونکي هم مني ، چي تيره شپه يې پر کلي ، د بهرنيوځواکونو چورلکو بمبارد کړى او دوى دوه جسدونه هم ليدلي دي.

تر اوسه د پکتيکا د تيري شپي په عملياتو کي د ملکي خلکو د مرګ ژوبلي په اړه کوم راپور نه دى ورکړل سوى. خو د وسله والو طالبانو وياند ذبيخ الله مجاهد که څه هم د تيري شپې په بريدونو کي د خپلو پنځو طالب ملګرو د وژل کيدو خبر مني، خو ادعا کوي، چي ٨ امريکايي عسکر يې وژلي او ګڼ شمير نور يې ټپيان کړي دي.

هاخوا د پکتيکا په ګاونډ خوست کي هم بهرنيو ځواکونو د يوه ساحتماني شرکت امنيتي ساتونکي په نښه کړي، دغه پيښه هم تيره شپه د خوست ولايت د دوه منده ولسوالۍ د شينکۍ په سيمه کي رامنځته سوې.

د شرکت مسؤلين وايي، چي دوى د سپيرې ولسوالۍ د سړک جوړوني چاري پرغاړه لري او بهرنيو ځواکونو بي له کوم لامل د دوى پر اربکيو له هلکوپترو څخه ډزي کړى، د شرکت درې امنيتي کارکونکي يي وژلي او يو يي ټپي کړى.

په خوست کي د ناټو ځواکونو مطبوعاتي دفتر دويچه ويلي ته وويل، چي دغه کسان هغه مهال دوى په نښه کړي، چي د سيمي څخه د تيريدو پرمهال يي د ناټو ځواکونو پر هليکپوترو هوايي ډزي وکړي.

د سرچيني په خبره دغه کسان د يوي غونډۍ پرسر ناست و او پر سپکو وسلو سربيره هاوان او ځيني نوري درنې وسلي هم ورسره وي.

دا پداسي حال کي ده ، چي نږده دوه کال وړاندي هم په خوست کي ناټو ځواکونو خپلي نظامي اډي ته نږدي د سړک جوړوني د يوه ساحتماني شرکت پر کارکونکو بريد کړى و، چي په پايله کي يي ، ١٢ سړک ساتونکي ووژل سول.

فريدالله ظاهر/ خوست

کتونکی: نجيب الله زيارمل