1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

په جنوبي افریقا کی پولیسو کان کیدونکي په ډزو وژلي دي

په جنوبي افریقا کې د پلاتینو په یوه معدن کې د پولیسو او اعتصاب کوونکو کارګرانو ترمنځ په نښتو کې څه د پاسه ۳۰ تنه انسانان وژل سوي دي. د پولیسو یوه ویاند وویل چارواکو فقط د ځانونو د دفاع په خاطر هغه وخت پر کارګرانو برید وکړ کله چې د دوی یوه وسله وال ګروپ پر پولیسو باندې د حملې کولو پلان درلود.

د ماریکانا په نامه معدن کې چې د جوهانسبورګ څخه ۱۰۰ کیلومتره لیري پروت دئ، د اګست د لسمې نېټې راهیسي پکښي د ۳۰۰۰ په شاوخواکې کارګرانو په اعتصاب لاس پوری کړی وو. د پلاتینو د را ایستلو دغه معدن د نړۍ دریم لوی معدن شمېرل کیږي. په تېرو ورځو کې هم د پولیسو او کارګرانو تر منځ نښتو کې لږ تر لږه لس تنه وژل سوي دي.