د جرمني پولیسو د دوشنبې په ورځ(د فبرورۍ میاشتې ۲۰) ویلي دي چې دغه وژل شوی کس چې یو عراقي تبع دی د یکشنې په ماښام د مهاجرو موقتي استوګنځای مخې ته په ډیر سخت ټپي حالت کې موندل شوی دی. قرباني تر ټپي کیدو لږ وروسته سا ورکړی ده.
هغه ۲۱ کلن افغان مهاجر چې له وژل شوي کس سره یوځای اوسیده، پولیسو په دې پيښه کې د لاس درلودلو په تور نیولی دی.
د لوبیک ښار د څارنوالۍ ویاندي ویلي دي چې څارنوالۍ د وژونکي حملې په دلیل د شکمن کس د بندي کولو امر کړی دی.
پولیسو ویلي دي چې شکمن قاتل اعتراف کړی دی چې د قرباني يې په غاړه کې په چاقو وهلی دی. د پولیسو په وینا شکمن قاتل ادعا کوي چې دغه ۲۲ کلن عراقی ورته نږدې شوی وو، خو دا یې نه دي ویلي چې دا عمل یې د ځان په دفاع کې کړی دی.
ويل شوي دي چې د دغو دواړو (مقتول او شکمن قاتل) تر منځ څو واره مخکې هم شخړي رامنځته شوې وې. تر اوسه پورې د دغې وژونکي شخړي اصلي دلیل روښانه نه دی.
زموږ له ارشيف څخه نور مطالب:
-
ژوند د مهاجرو په کمپ کي
فرانسه کې د مهاجرو لمړنۍ کمپ
مهاجر تر فرانسې هم ورسیدل. دا د فرانسې په شمال کې د ګرنتي ساینته (Grande-Synth) نومې سیمه کې د مهاجرو لمړنی کمپ دی. دغه کمپ د مارچ میاشت په سر کې پرانیستل شو چې د پلان له مخې له ۲۰۰ څخه تر ۳۷۵ تنه کسانو لپاره په کې د لرګو کابینونه یا کوټې جوړې شوي دي.
-
ژوند د مهاجرو په کمپ کي
له نویو هیلو سره
درې کلنه تینا یوه عراقي کوردۍ مهاجره ده، تینا د فرانسې په ګرنتي ساینته کمپ کې اوسیږي. په دغه کمپ کې د نارینه ۴۷ تنه ماشومان او ۶۰ تنه ښځې په یو نامناسب حالت کې ژوند کوي. له لرګیو څخه جوړ دغه کمپ کې میشت ډیری مهاجر عراقي کردان دي.
-
ژوند د مهاجرو په کمپ کي
د یوې امیدواره راتلونکې لپاره
یوه کلیواله ښوونکې مهاجرو ته د تدریس پر مهال. دا د سویلي الجریا په تیندوف سیمه کې د بوجدور کمپ ښوونځی دی. په دغې صحرایی سیمه کې د مهاجرو پنځه کمپونو شتون لري، چې شاوخوا ۱۶۵۰۰۰ مهاجر په کې ژوند کوي. د کمپ پر یوه دیوال لیکل شوي: که مبارزه همدا وي نو راتلونکې زمونږ ده.
-
ژوند د مهاجرو په کمپ کي
په صحرايي سیمو کې د مهاجرو په کمپونه کې ژوند
په السمرا کمپ کې یو مهاجر د خپل نړیدلي کور د بیارغولو په حال کې. د دغه مهاجر کور تیر اکتوبر میاشت کې د راوتلو سیلابونو له امله ویجاړ شوی وو. د السمرا کمپ اوسیدونکي شپې د رڼا په موخه د موټرو له بطریو څخه کار اخلي.
-
ژوند د مهاجرو په کمپ کي
د انتظار سختې شیبې
یوه مهاجره نجلۍ چې د مقدونیې او یونان تر منځ بنده پاتې ده له خپلې کیږدۍ څخه په دې تمه څار کوي چې کله به یې پر مخ لاره خلاصیږي. دا د یونان د ایډیوماني سیمه ده، چې ډیر مهاجر په کې اروپا د تلو په نیت تم دي.
-
ژوند د مهاجرو په کمپ کي
ورځنۍ بوختیاوي
د یونان په ایډیوماني سیمه کې د بند پاتې شویو مهاجرو ماشومان د ساعتیرۍ او وخت تیرولو په موخه لوبې کوي. له بلخوا ډاکترانو کمپ کې د ناسم وضعیت د شتون له کبله د ناروغیو د خپریدا خبرداری ورکړی. د ایډیوماني سیمه ته له آتن او د یونان له ټاپو ګانو څخه په زرګونه مهاجر راوړل شوي دي.
-
ژوند د مهاجرو په کمپ کي
د مثبت بدلون په هیله
د ترکیې په سوروچ سیمه کې د مهاجرو یو کمپ. په دغه کمپ کې نژدې۲ اعشاریه ۷ میلیونه سوري مهاجر میشت دي. ترکیه کې لا هم سوري کډوال د کار کولو اجازه نلري. نارینه مهاجر له بیکارۍ ناهیلي بریښي، خو یوې ښې راتلونکې ته په انتظار کې دي.
-
ژوند د مهاجرو په کمپ کي
تعلیم او ستونزمن چاپیریال
افغان مهاجر ماشومان د پاکستان په کلبات کمپ کې د ښوونځي په یوه ټولګي کې د درس ویلو پر وخت. ملګرو ملتونو پر پاکستان غږ کړی چې دغه هیواد کې میشت دونیم میلیون افغان مهاجرو ته دې د تعلیم اسانتیاوی برابرې کړي.
-
ژوند د مهاجرو په کمپ کي
له ستومانتیا ډګ ژوند
د سوډان شمال په واد سیمه کې ستړي ستومانه اریتریایی کډوال له ډیرو مزلولونو وروسته په درانه خوب کې. اریتریا یو افریقایي هیواد دی.
-
ژوند د مهاجرو په کمپ کي
ماشومانو ته د لوبو یوازنی سامان
یو سوري مهاجر ماشوم د اردن په مفروق نومي کمپ کې د موټر له یو ټایر سره د لوبو کولو په حال کې. دغه کمپ په ۲۰۱۲ کال کې وروسته له هغې چې سوریه کې تاوتریخوالو زور واخیست جوړ شو. اوسمهال په دغه کمپ کې څه د پاسه ۸۳۰۰۰ کډوال ژوند کوي. سوریه کې جګړې په ۲۰۱۱م کال کې پیل شوي.
لیکوال: Aasim Saleem
