1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

په جرمني کښي هر شپږم کوچنی غريب دی

دغي نتيجه ګيرۍ ته په اروپا کښي د اقتصادي ګډي همکارۍ او پراختيا دسازمان يا OECD يو رپوټ رسيدلی دی . اودا اولين رپوټ هم ندی ،چه جرمني ته د فاميلي حمايې په خاطر ښه نمره نه ورکوي .

default

دا پداسي حال کښي چه جرمني د نورو صنعتي هيوادو په نسبت د کورنيو او دهغو د کوچنيانو سره 20 فيصده اضافه کومک کوي .

څوک چه په جرمني کښي کوچني زيږوي ،کولای سي ددولت او نورو خيريه مؤسسو لخوا پيسې او مالي کومک پلاس راوړي . ددغو پيسو 40 فيصده مستقيمأوالدين اخلي ،او باقي مانده يې نورو حمايوي سازمانو لکه وړکتونو ته ځي .

د ځينو کومکونو څخه هغه والدين ګټه اخلي چه کارونه کوي ،خو ځيني کومکونه بيا د بيکارانو دپاره په نظر کښي نيول سوي دي .

ليکن د کوچني د پيداکيدو د ورځي څخه ټول والدين د کوچنيانو په نامه دولتي کومک اخلي . د اول کوچني پر سر د مياشتي 164 ايرو،چه بيا تر دريم کوچني وروسته ډيريږي .

هغه ښځي چه کارونه کوي ، د کوچني تر پيداکيدو يوه نيمه مياشت مخکي او دوې مياشتي وروسته تر هغه د صحي بيمې څخه د مور په نامه پيسې تر لاسه کوي ،او که څه هم دا په دغه وخت کښي بايد کار ونکي .

تر هغه وروسته والدين کولای سي ،د والدينو د پيسو په نامه دولت ته عريضه وکي ،او هغه هم پلاس راوړي . دولت دوی ته د کوچني د پيدا کيدو څخه بيا تر 14 مياشتو پوري ددوی د معاش ددوه پر دريمي برخي په اندازه پيسې ورکوي ،خو په هيڅ صورت تر300 ايرو کمي نه وي .

هغه کوچنيان چه والدين يې بيکاره دي ،ددولت لخوا اضافه کومک هم ورسره کيږي . د هغو سره د 215څخه تر 360 ايرو پوري ،ددوی د سن پر اساس اضافه کومک هم کيږي . په مجموع کښي لکه څنګه چه د 2008 کال د احصايې څخه معلوميږي ، دولت د کاله د بالغو کسانو سره 6000 ايرو او د کوچنيانو سره د هغه نيمايي کومک کوي .

انتقاد کونکي سازمانونه لکه د جرمني د کوچنيانو حمايوي اتحاديه د کوچنيانو دپاره دغه کومکونه لږ بولي . ددغي اتحاديې د محاسبې پر اساس مثلأ يو 13 کلن کوچنی د ډوډۍ دپاره د ورځي فقط دوه ايرو پلاس راوړي ،او دا په داسي يوه هيواد لکه جرمني کښي چه غذايي مواد ګران دي ،د صحي خوړو دپاره کفايت نه کوي .

د جرمني داخله وزير د يوه مکتب د کوچنيانو سره د ليدو پر مهال

د جرمني داخله وزير د يوه مکتب د کوچنيانو سره د ليدو پر مهال

دډياکوني په نامه د جرمني د بڼ د ښار د خيريه مؤسسې څخه ټينا لاو ددغه ښارد اجتماعي پرابلمو مسؤله ده . دا او ددې نور همکاران هغو کسانوته مشورې ورکوي چه د اقتصادي او فاميلي مشکلاتو سره مخامخ وي . دا پدې عقيده ده چه غربت په جرمني کښي يوازي مادي موضوع نده ،او وايي :

«فقر او غربت څو اړخيزه جنبه لري . فقر پدې معنی دی چه مثلأ يو سړی صحي خدماتو ،تعليم او تربيې ،کلتور او يا د ښه اوسيدو امکانات ونلري . ډير انسانان پداسي ماحول او کورو کښي اوسيږي ،چه ماحول او کورونه دواړه يې د ګذارې نه وي »

د والدينو د پيسو د يوې معيني برخي څخه ماليات هم نه اخيستل کيږي ،يعني پر 6000ايرو باندي ماليه نه ورکوي .

د انتقاد کونکو غوښتني داهم دي چه هغه پيسې چه خيريه،تحقيقاتي او نورو مؤسسو ته ورکول کيږي ،بايد په ښه ډول سره استعمال سي ،او زيادتره پکښي د غريبانو سره کومک وسي . ټينا لاو هم په همدغه عقيده ده ،اووايي :

«هغه کوچنيان او والدين چه متضرر او د غربت سره مخامخ دي ،ډيري پرستارۍ او حمايې ته ضرورت لري ، تر څو دوی پر تربيوي مسايلو او د شخصي ژوندانه د پرمختګ پر لارو چارو باندي کاميابه سي . ځکه که دوی پداسي يوه حالت کښي وي چه بيکاره وي ،او معاش ونلري ،نو دا يو ډير سخت حالت دی .»

متأسفانه بيکاري د هغو اولادو ته هم انتقاليږي ،او هغوی هم بيا نسي کولای ،چه د اجتماعي خراب حالت څخه ځانونه راوباسي . يوازي خيريه او کومکي مؤسسې ، مقامات او نور حمايوي سازمانونه کولای سي په دغه لار کښي يو څه کومک وکي ،او هغوی ددغه اجتماعي پرابلم او ګرداب څخه وژغوري .

ګراټ وُل /

کتونکي : محمد قاسم نوري