1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

په جاپان کې له هسته وي انرژي سره پیاوړی مخالفت

په لسګونه زره جاپانیان د دوشنبې په ورځ سړکونو ته ووتل او د هسته وي انرژی د تولید د درولو غوښتنه ئې وکړه. دا په جاپان کې د هسته وي انرژي پر وړاندې تر ټولو لوی اعتراض بلل کیږي.

جاپانیانو د دوشنبې په ورځ د ملي رخصتي له ورځې څخه په کار اخیستلو سره د هسته وي انرژې پر وړاندې لاریون وکړ. دا په جاپان کې تر سونامي او زلزلې وروسته د هسته وي انرژي پر وړاندې تر ټولو لویه مظاهره ده.

د دې مظاهري تنظیمونکو ویلي دي چې د لاریون د گډنوانولو شمیر ۱۷۰ زره کسانو ته رسیده. د مظاهره کوونکو په منځ کې پیژندل شوي شخصیتونه لکه د نوبل د جایزې گټونکی «کینایورو او»، او د جاپان نامتو سندرغاړی ریوشي ساکاموتو، هم گډون لره.

په دې لاریون کې ۱۷۰ زره کسانو گډون کړی وو.

په دې لاریون کې ۱۷۰ زره کسانو گډون کړی وو.

دغه لاریون په داسې حال کې په جاپان کې په لاره اچول کیږي چې د دې هیواد په غرب کې یوازې یوه اونۍ پخوا یوې اتومي بټۍ په بشپړه توگه خپل کار پیل کړ. دا لومړۍ هسته وي بټۍ ده چې په جاپان کې د تیر کال تر سونامي وروسته په بشپړه توگه خپل کار پیلوي. د تیر کال له سونامي وروسته د جاپان د هسته وي بټیو کار ځنډول شوی وو.

مظاهره کوونکو په جاپان کې په بشپړه توگه د هسته وي انرژي د استفادې د بندولو غوښتنه کوله. هغوی همداراز د جاپان د لومړي وزیر یوشیهیکو نودا، د استعفأ غوښتنه هم کوله. هغه د هسته وي بټیو د کار د پیل امر کړي دئ.

د جاپان لومړي وزیر د جون د میاشتې په منځ کې په اوړې کې د جاپان د برق د انرژۍ د کمیدو په پام کې نیولو سره، د هسته وي بټیو د کار له پیلیدو سره موافقه کړې وه. په پلان کې ده چې دویمه هسته وي بټۍ به د روانې اونۍ په پای کې خپل کار پیل کړي.

یو رپوټ ښیي چې د فوکو شیما د اتومې بټۍ پېښه د دې اډې د چارواکو، حکومت او څارونکو تر منځ د همکارۍ د نه شتون له کبله رامنځ ته شوې وه.

په جاپان کې د تیر کال له اتومې پېښې مخکې دغه هیواد خپله ۳۰ سلنه انرژي په هسته بټیو اډو کې تولیدوله. نظر سنجي ښيي چې د جاپان ډیر شمیر اوسیدونکي په دې هیواد کې له هسته وي انرژې څخه د استفادې خلاف دي.

آژانسونه/ مسعود جهش
کتونکی: سید ریاض