1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

په ترکيه کي پوځي کودتا سوې

په ترکيه پوځ منلې ده چي واک ئې نيولی دئ. خو اردوغان ويلي دي چي دغه کار په پوځ کي د يوې «کوچنی» ډلي له خوا سوی دئ.

د ترکيې د پوځ د معلوماتو له مخي دوی پر جمهوررئيس رجب طيب اردوغان باندي کودتا کړې ده او ټول واک ئې نيولی دئ. د عيني شاهدانو په حواله پوځ د جمعې په ورځ (۲۰۱۶م کال د جولای ۱۵مه)ماښام ناوخته په انقره او استانبول کي سړکانو ته راوتلی او لويي لاري ئې بندي کړي دي.

د ترکيې پوځ ويلي دي چي په دې سره به نو اساسي قانون، ديموکراسي او بشري حقونه خوندي سي. خو اردوغان بيا ويلي دي: «دا د ترکيې پر ديموکراسي باندي يرغل دئ.»

د هغې وينا پاڼي له مخي چي د ترکيې د جمهوري رياست د دفتر له خوا خپره سوې ده پکښې راغلي دي چي دغه کار «په پوځ کي د يوې ډلي له خوا سوی دی.» له بلي خوا د ترکيې پوځ په ټولو لويو ښارونو کي پر گرځېدو راگرځېدو بندز لگولی دئ. پوځ د NTV تلويزيون له خوا اعلان کړی دئ چي په ټوله ترکيه کي ئې واک نيولی دئ.

ويل کيږي چي په انقره او استانبول کي پوځي زغروال موټر سړکانو ته راوتلي دي او په استانبول کي ډزونه هم اورېدل سوي دي. د ښار پر فضا څرخۍ الوتکي هم گرځي. په استانبول کي د اتاتورک نړيوال هوايي ډگر هم تړل سوی دئ.

Türkei Bosporus-Brücken werden geschlossen

استانبول

د راپورونو له مخي اردوغان په يوه خوندي ځای کي دی او ويل کيږي چي لوی درستيز کودتا کوونکو يرغمل کړی دئ. نور دولتي چارواکي نظر بنده سوي دي او د پوځ ډېر افسران نيول سوي دي. په استانبول کي دوه ستر پلونه پوځي موټرو بند کړي دي.

بشپړ جزئيات وروسته وړاندي کيږي.