1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

بشري حقونه

په بلخ کي پنځوس په سلو کي نجوني په کم عمر وديږي

په بلخ ولايت کي د بشر د حقونو خپلواک کمېسون او د ملګرو ملتونو اداره وايي چي په شمال اوبيا په ځانګړې توګه په بلخ ولايت کي ۵۰ په سلو کي نجوني د ۱۴ او۱۵ کلونو په عمر وديږي چي دا د انديښي وړ خبره ده.

«تاوتريخوالي يو لامل داد چي د فقر له کبله څوک خپل اولاد ته نه ګوري او په ټيټ عمر کي يې د پيسو په بدل کي ورکوي»

«تاوتريخوالي يو لامل داد چي د فقر له کبله څوک خپل اولاد ته نه ګوري او په ټيټ عمر کي يې د پيسو په بدل کي ورکوي»

په شمالي ولايتنو کي تر وخت د مخه د نجونو ودېدل، په بدو کي د نجونو ورکول ، د مېرمنو ځان سوځول او اجباري ودونه هغه پيښي دي چي د ښځو په وړاندي تاوتريخوالی بلل کيږي.

سر بيره پردي چي په افغانستان کي د ښځو په وړاندي د تاوتريخوالي د له منځه وړلو د قانون له توشيح څخه يوکا ل تيريږي خو لا هم د ښځو په وړاندي تاوتريخوالي دوام لري.

په مزارشريف کي د شمال زون د بشر د حقونو د اداري مشرقاضي سيد محمد سامع وايي، په شمال او بيا په ځانګړي توګه په بلخ ولايت کي په ټيټ عمر د نجونو وديدل هغه ناوړه دود دی چي دوی يې انديښمن کړي دي.

« د بشري حقونو کمېسيون او د ملګرو ملتونو د عالي کمشنرۍ څېړني ښي چي په بلخ ولايت کي ۵۰ ٪ په سلوکي نجوني د ۱۴ او ۱۵ کلونو په عمر کي وديږي چي د ټيټ عمر لرونکي ډيری نجوني د ولادت پرمهال خپل ژوند د لاسه ورکوي .»

له بلي خوا هغه راپورچي په دي ورستيوکي د نا وړه دود اوعنعناتو تر سرليک لاندي د ملګرملتونو د عالي کمشنرۍ لخوا خپور سوی دغه سازمان په افغاني ټولنه کي د ښځو په وړاندي له ناوړه دودونو څخه انديښنه ښودلې.

په شمال زون کي د بشري حقونو په څانګه کي د ملګرو ملتونو مسوله مېرمن رضوي نور وايي.« په اجباري توګه او په ټيټ عمر د نجونو وديدل، په بدو کي د نجونو ورکول هغه ناوړه دودونه دي چي د نورو ولايتونو په پرتله په بلخ ولايت کي ډيردي.»

مېرمن رضوي د ښځو په وړاندي د تاو تريخوالي د له مينځه وړلو له قانو څخه د عدلي اوقضاي اورګانو نه پوهاوی هم لويه ننګونه بولي.

په مزارشريف کي د ټولنيزو چاروکارپوه عزيزالرحمن بيا په دې نظر دی چي د ښځو په وړاندي د تاوتريخوالي يو لامل داد چي د فقر له کبله څوک خپل اولاد ته نه ګوري او په ټيټ عمر کي يې د پيسو په بدل کي ورکوي او بل دا چي، خلک د ښځو له حقو قو څخه پوهاوی نه لري.»

په بلخ ولايت کي د بشري حقونو خپلوک کمېسيون د ملګرو ملتونو له دولت څځه غواړي ترڅو د ښځو د حقوقو له ناقضينو سره جدي چلند وکړي. په نړۍ کي روغتيايي سازمانونو هم دا جوته کړي چي د ۱۸ کلونو نه د ټيټ عمر لرونکي بايد واده نکړي.

عبدالحميد صافی/ مزارشريف

کتونکی: نجيب الله زيارمل