1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په بلخ کي د نقاشۍ هنر له رکود سره مخامخ دئ

د جمعې په ورځ په نیویارک کې یوه نقاشي په ۱۲۰ میلیونه ډالرو وپلورله شوه، خو د بلخ په ولایت کې نقاشان وایي چې دوی نه شي کولای د نقاشي له لارې خپل ورځینې لگښتونه پوره کړي له همدې کبله نو د دې هنر پریښودو ته اړ شوي دي.

د بلخ د کبله هنر په نوم د یوې فرهنګی ټولنې مسئول محمد صابر نقش بندي، د بلخ د تکړه او مشهورو انځورګرانو څخه دئ. هغه وایي چې د دغه هنر د ژوندي پاته کیدو له پاره د دولت جدي ملاتړ ته اړیتا لري:

«د نقاشي، خطاطي او په ټولیز ډول د هنر وضعیت د قناعت وړ نه دئ. ډیر شمیر د هنر خاوندان او انځوګران په دې برخه کې خپلې هڅې کوي او زیار باسي خو که چیري دغه هڅې او زحمت ۵۰ سلنه د دولت ملاتړ له ځان سره ولري پایلې به ئې ښي وي. له بده مرغه تر اوسه دولت په دې برخه کې هیڅ ډول مرسته نه ده کړې.»

د بلخ په ولایت کې شاوخوا ۲۰۰ نقاشان ژوند کوي چې ډیر شمیر ئې اوس په نورو کارونو بوخت دي.

د بلخ په ولایت کې شاوخوا ۲۰۰ نقاشان ژوند کوي چې ډیر شمیر ئې اوس په نورو کارونو بوخت دي.


 
ښاغلی نقش بندي زیاتوي چې که چیرې دولت د انځورګرو تابلوګانو ته بازارونه ومومي، نړیوالو بازارونو ته ئې ولیږدوي او ملاتړ ئې وکړي نو د افغانستان د انځورګرو دغه هنر به په نړۍ کې خاص ځای پیدا کړي.

په مزارشریف کې څه د پاسه ۲۰۰ نقاشان ژوند کوي. خو دا چې تابلوګانې ئې بازار نه لري له دې لارې د خپلې کورنۍ نفقه نه شي تر لاسه کولای.

روح الله امیني هم د مزارشریف په ښار کې یو نقاش دئ. هغه د بلخ د طب پوهنځي تر څنګ د لوحو لیکلو دوکان لري. هغه وایي: «د نقاشي له لارې روزګار پرمخ نه ځي. نه څوک تابلو اخلي، نه فرمایش شته او نه هم د دولت او بهرنیو مؤسسو ملاتړ. ما ته پخپله پر تابلو د کارکولو لیواتیا نه ده راپاتې. هغه څه چی د انسان ژوند تضمین نه کړي او کومه ګټه و نه لري، سړې ئې پریښودو ته مجبوریږي.»

نقاشان وایي چې نقاشۍ په افغانستان بازار نه لري او له دولت څخه په دې برخه کې مرسته غواړي.

نقاشان وایي چې نقاشۍ په افغانستان بازار نه لري او له دولت څخه په دې برخه کې مرسته غواړي.


 
له بلې خوا د بلخ د کبله هنر د ټولنې مسئول صابر نقش بندي، وایي چې د نقاشانو، خطاطانو، شاعرانو او سینما ګرانو یو گډ انجمن چې د بلخ ولایت د اطلاعاتو او فرهنګ ریاست په چوکاټ کې یوازې په نامه موجود وو اوس هغه هم له منځله تللی دئ او پر ځای ئې «نګارستان» رامنځ ته شوی دئ. نقش بندي وایي چې نگارستان هم تر اوسه پورې کوم کار نه دئ تر سره کړی.
 
د نقش بندي په خبره د نقاشی او خطاطي د هنر د ودی له پاره د اطلاعاتو او فرهنګ ریاست ته ځینې وړاندیزونه شوي دي چې د هغه په خبره هیڅ کله هم ورباندې عمل نه دئ شوی:

عبدالحمید صافی
کتونکی: مسعود جهش