1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په بغلان کې د طالبانو یو لوړبوړی غړی وژل شوی

افغان چارواکو په بغلان ولایت کې د طالبانو د یوه لوړپوړي غړي د وژل کیدو خبر ورکړی دی. دغه ولایت وخت ناوخت د افغان ځواکونو او طالبانو د نښتو شاهد وي.

د ايسوشيتد پریس خبري آژانس د افغان چارواکو په حواله ويلي چې په بغلان ولايت کې د طالبانو د يوه تش په نامه والي په ګډون ۱۴ طالب جنګيالي د افغان امنيتي ځواکونو سره د سختو نښتو پر مهال وژل شوي دي.

د بغلان د پوليسو مرستيال مشر امير ګل حسين خيل، د چهار شنبې په ورځ وويل چې افغان امنيتي ځواکونو تيره شپه د دې ولايت په لويديځ کې ستر عمليات پر لاره اچولي ول او تر پنځه ساعته نښتو وروسته یې د طالبانو تش په نامه والي مولوي لعل محمد وژلی دی.

حسين خيل وويل چې په وژل شويو کې د بمونو جوړونکي هم شامل دي. ده زیاته کړه چې په دې نښتو کې افغان امنيتي ځواکونو ته ځاني تلفات نه دي اوښتي.