په بغدان کي يوې چاودني نهه تنه وژلي دي | دويچه ويله پښتو | DW | 30.09.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

په بغدان کي يوې چاودني نهه تنه وژلي دي

په بغداد کي د جلاجلا چاودونو په ترڅ کي ۹ تنه وژل شوي دي. دغه خبر عراقي پولیسو او روغتیايي چارواکو ورکړی دئ. په بغداد کې د پولیسو یو تن چارواکي د فرانسې خبري آژانس ته ویلي دي، چې نن سهار وختي د پلازمېني بغداد شمال ته په تاجي سیمه کي د یوه موټر بم په چاودنه کي ۸ تنه وژل شوي او نور ۲۸ تنه ټپیان شوي دي. دغه موټر بم د شیعه وگړو کورونو ته څیرمه چاودلی دئ. د پولیسو یوه بل تن چارواکي ویلي دي چې یوه ځانمرگي برید گر د بغداد په سویل لویدیځه برخه شوله کي خپل د چاودیدونکو توکو ډک موټر چولی دئ چې په پایله کې ئې یو تن وژل شوی او اته تنه نور ټپیان شوي دي.