1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

په بغداد کې یوه برید تر ۳۰ زیات انسانان وژلي

په بغداد کې د یوه موټر بم برید په نتیجه کې زیاتو انسانانو ته مرګ ژوبله اوښتې ده. د برید پړه پر «اسلامي دولت» یا داعش اچول شوې ده. دا لومړی وار نه دی چي داعش دغه شان بريدونه کوي.

د پولیسو په حواله د بغداد په الصدر سیمه کې په دغه برید کې تر اوسه د لږ تر لږه ۳۴ تنو د وژل کیدو خبر ورکړل شوی. په پیښه کې تر۶۰ زیات انسانان ټپيان شوي هم دي. زیاته شوې چې نامعلومو کسانو د بغداد د شمال په دغه شعیه میشته سیمه کې یو موټر بم چوولی دی.

د آلمان د لومړي تلویزیون «ای آر ډي» په حواله د «اسلامي دولت» یا داعش ډلې د برید مسئولیت منلی دی. دغه افراطي اسلامپالي ډلي په ماضي کې هم دلته پر شیعه مذهبو دغه ډول خونړي بریدونه کړي دي.

په دې ورستیو څو میاشتو کې عراقي ځواکونو د داعش جنګیالي پر شا تنبولي. خو دغه ډله اوس هم د هیواد د لویدیځ ډيري سیمې په ولکه کې لري او له همدې ځای څخه د هیواد په نورو برخو کې بریدونه کوي.

د داعش پر ضد جګړه کې ترکیه هم شامله ده. د ولسمشر رجب طیب اردوغان په حواله تر اوسه ترکي پوځ د داعش ۳۰۰۰ جنګیالي وژلي دي. اردوغان ټینګار کوي چې بل هیڅ هیواد له دغه ډلي سره داسې جګړه نه ده کړې لکه ترکیه چې یې کوي.

د کردانو د کارګر ګوند «پي کې کې» پر ضد د جګړې په ترڅ کې ترکیې د دغه منع شوي ګوند د ۱۱ غړیو د وژل کیدو خبر ورکړی. زیاته شوې چې د «پي کې کې» دغه غړي د ترکیې په سویل ختیځ ایالت هکاري او د عراق په شمال کې وژل شوي دي.