1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په بدخشان کې سيلابونو مرگ ژوبله اړولې

تر سختو اورښتونو وروسته د افغانستان په شمال ختيځ کې 23 تنه افغانان او د ناټو يو تن عسکر وژل شوي دي. د بدخشان والي منشي عبدالمجيد وويل چې د ژونديو د ژغورنې چارې پيل شوي دي. دغه نيزونه (سيلابونه) د پنج شنبې په ورځ پيل شوي وو.

د ناټو د يوه عسکر موټر د خاورو د ښوېيدو له امله په سيند لاهو شو

د ناټو د يوه عسکر موټر د خاورو د ښوېيدو له امله په سيند لاهو شو

د يوې مرستندويې ټولنې افغان کارکونکي وويل چې د ناټو د عسکر موټر د خاورو د ښوېيدو له امله په سيند لاهو شو. 14 تنه نور سرتېري ژوبل شوي هم دي، خو د زيانمن شويو کسانو تابعيت تر اوسه نه دی څرگند. د آلمان پوځ زياته کړه چې آلمانان په دغو پېښو کې ښکېل نه دي. بلې غاړې ته د آلمان په سويل کې په جگړو کې يو برتانيايي عسکر وژل شوی دی او د يو بل عسکر مړی هم وموندل شو.