1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

بشري حقونه

په ايران کي د ښځو حالت

د بشر د حقوقو د نړيوالې ټولنې اېمنستي انټرنېشنل په يوه راپورکې، چې د روان هجري لمريزکال د کب د مياشتې په نهمه نېټه خپورشو، راغلي دي، چې د ښځو د حقوقومدافعينې رونک » سفرزاده « او حنا » عبدي « د 1386 هجري لمريزکال له مني راهيسې د ايران د کردستان د سنندج په زندان کې زنداني دي .

ايرانۍ ښځې د خپلوحقوقو د ترلاسه کولولپاره اصلاً ډېرلږچانس لري

ايرانۍ ښځې د خپلوحقوقو د ترلاسه کولولپاره اصلاً ډېرلږچانس لري

پرته له رسمي دعوی او بې لدې، چې له خپل مدافع وکيل سره وکتلای شي. دا په ايران کې يوازنۍ پېښه نده. هر څوک، چې د ايران په ټولنه کې د ښځود قانوني اوورځني توپير ياتبعيض پرضد فعاليت کوي، بايد د حبس، وهلو، ټکولواوځورولوخطرپرځان ومني. د اېمنستي انټرنېشنل په دغه راپورکې دوولس بېلابېلې پېښې تشريح شويدي.

د ښځو د حقوقولپاره کمپاين او د حکومت غبرگوند اېمنستي انټرنېشنل د نږدې ختيځ د څانگې متخصصه روټ » يوتنر « وايي:» ايرانۍ ښځې د خپلوحقوقو د ترلاسه کولولپاره اصلاً ډېرلږچانس لري. په ځانگړې توگه بياترهغه وروسته، چې بېلابېلوټولنو د 2006 کال د اگسټ په مياشت کې، په ټول ايران کې د ښځو د حقوقو د گټلولپاره کمپاين پېل کړ، د ايران حکومت د ښځوټولنې او ډلې ترڅارنې لاندې نيولي دي. «