1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

بشري حقونه

په افغانستان کې د زده کړې د حالت په هکله د (اوکسفام) څېړنه

د اوکسفام نړيواله خيريه ټولنه په یوې نوې څيړنې کې چې، په افغانستان کې د زده کړې د ماهيت او ښوونځي ته د افغاني ماشومانو د تگ د چانس په هکله يې کړيده، پدې هکله اخطار ورکوي چې په راتلونکې کې به هم په ميليونونو افغان ماشومان د زده کړې چانس ونلري، که چيرې نړيواله ټولنه پر خپلو هغو ژمنو وفا ونکړي چې له افغانستان سره يې د پرمختيايي مرستولپاره کړيدي.

default

که څه هم چې د طالبانو د حکومت له نسکوريدوراهيسې د زده کونکوشمير پنځه ځلی لوړشويدی د طالبانوپه وخت کې مجموعا يوميليون ماشومان ښوونځي ته تلل او اوس پنځه ميليونه خوسره لدې هم تراوسه پوری لا د هغو افغاني ماشومانوچې ښوونځي ته د تگ عمرلري، صرف ترنيمايي لا وړه برخه ښوونځي ته د تلو چانس لري.

نيمگړی سبق او ليری پراته ښوونځي

په گڼ شميرښوونځيوکې سبق ډيرې نيمگړتياوي لري. د ښوونکولويه برخه صرف لږمسلکي زده کړې لري. د افغانستان په شمال کې د يوې احصائيې له مخې، د ښوونکوصرف 5 % کولای شي چې خپله په هغو آزموينوکې بريالي شي، کومې چې د هغوۍ د زده کونکولپاره دي. سربيره پردې بيوزلي، د ښوونځي لوړ محصولات او ښوونځي ته د تگ اوږدې لارې د دې سبب کيږي چې ميندې اوپلرونه خپل ماشومان ښوونځي ته ونه ليږي.