په افغانستان کې دوه پاکستاني برمته شوي دیپلوماتان آزاد شوي | سيمه | DW | 27.07.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

سيمه

په افغانستان کې دوه پاکستاني برمته شوي دیپلوماتان آزاد شوي

په پاکستان کې د بهرنیو چارو وزارت ویلي دي چې تیره میاشت په افغانستان کې دوه برمته شوي پاکستاني دیپلوماتان د چهارشنبې په ورځ د یو لړ عملیاتو په ترڅ کې آزاد شوي دي.

Irak Mossul verlassenes Gefängnis des IS (Reuters/A. Konstantinidis )

انځور له ارشيف څخه

د پاکستان د بهرنیو چارو وزارت په بیانیه کې راغلي دي: «په جلال آباد کې د پاکستان د قنسلګرۍ دغه دوه دیپلوماتان د ۲۰۱۷م کال د جون پر ۱۷مه نیټه هغه وخت چې له جلال آباد ښار څخه د تورخم پر لور روان ول برمته شوي ول. اوس هغوی روغ بیرته آزاد شوي دي.»

افغان ولسمشر په کابل کې پاکستاني چارواکو ته د تلیفون له لاري خبر ورکړی دی چې دیپلوماتان په عملیاتو کې آزاد شوي او اوس له افغان امنیتي ځواکونو سره دي.

اوس نو دواړه دیپلوماتان په کابل کې د پاکستان سفارت ته سپارل شوي چې بیا وروسته به اسلام آباد ته ولیږدول شي.

په وروستیو وختونو کې د کابل او اسلام آباد تر منځ اړیکې ترینګلې دي. دواړه هیوادونه یو پر بل د وسله والو مخالفینو د ملاتړ تورونه لګوي خو دواړه اړخونه بیا دغه تورونه په کلکه ردوي.

اړوند مطالب