1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

په افغانستان پر امنیتي ځواکونو بریدونه ډیر شوي دي

ناټو او افغان چارواکو د دوشنبې په ورځ ویلي دي چې په وروستیو میاشتو کې په افغانستان کې پر افغان او بهرنیو ځواکونو باندې بریدونه ډیر شوي دي. د افغانستان د دفاع وزارت ویلي دي چې په روان کال کې د مارچ د میاشتې راهیسې په افغانستان کې ۲۱۶ سرتیري وژل شوي او ۵۳۸ تنه نور ټپیان شوي دي. په عین وخت کې نن د افغانستان د دفاع وزارت خبر ورکړی دئ چې په کاپیسا ولایت کې د جنوري په میاشت کې د څلورو فرانسوي سرتیرو د وژلو په تور ئې یوه افغان عسکر ته د اعدام سزا اورلې ده. د دغه وزرات ویاند ظاهر عظیمي هم دغه خبر تائید کړی دئ.