1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په اسلو کې له طالبانو سره غیر رسمي خبري پای ته ورسیدې

د طالبانو یوه ویاند او د افغانستان د ولسمشرۍ ماڼۍ ویلي دي چې د طالبانو استازو په اسلو کې د پارلمان او سولي عالي شورا له یو شمیر غړو سره دوې ورځنۍ خبري پای ته رسولي دي.

د وسله والو طالبانو يوه وياند ذبيح الله مجاهد، رسنیو ته په یوه لېږل شوي بریښنا لیک کې ویلي دي چې دغه خبري غير رسمي دي او د سولي مذاکرات نه شي بلل کیدای.

یوه افغان چارواکي اسوشیتد پرس خبري آژانس ته ویلي دي چې د جون مياشتي پر دریمه او څلورمه نېټه د ناروې په اسلو کې د طالبانو د استازو او افغانانو تر منځ خبري د ناروې هيواد د اوږد مهالي هڅو يوه برخه ده.

دغه چارواکې زیاته کړې ده چې د اسلو په خبرو اترو کې د شکريې بارکزی او فوزیه کوفي په ګډون د پارلمان پنځو تنو غړو په مستقله توګه ګډون کړی وو.

دغه چارواکي د نوم د نه خپرېدو په شرط ویلي دي: «هغوی د افغان دولت د رسمي استازي غړي نه دي. دغه کسان یوې غیر رسمي غونډي ته ور بلل شوي دي، نه د رسمي استازي په توګه.»

دغه چارواکي دا خبره تائید کړې ده چې د اسلو په غونډه کې د پارلمان او سولي عالي شورا څو ښځینه غړو هم ګډون کړی وو.

د افغانستان د ولسمشرۍ مانۍ یوه بیانیه خپره کړې ده چې پکښې راغلي دي چې هر افغان اجازه لري چې هر وخت او په هر ځای کې د سولي له پاره کار وکړي.

په بیانیه کې راغلي دي: «موږ د دغو غیر دولتي خبرو هرکلی کوو. دغه خبري اتري د افغانستان د دولت استازیتوب نه کوي.»

د ناروي د بهرنیو چارو وزارت هم تائید کړې ده چې د بېلابېلو سابقه لرونکو افغانانو تر منځ په شخصي سطحه خبري شوي دي. دا په څلورو اونيو کې د طالبانو له استازو سره د کابل د استازو دریمه لیدنه ده. خو دواړه اړخونه ټینګار کوي چې تر سره شوي لیدني غیر رسمي دي.

افغان ولسمشر محمد اشرف غني د سولي خبرو اترو ته د طالبانو چمتو کول په خپلو لومړیتوبونو کې راوستي دي. هغه ویلي دي چې دغه بهیر به په روڼه توگه سره پر مخ یوسي.

DW.COM