1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

په استانبول کي د وژل سوو کسانو نهه آلمانان دي

د ترکيې د لومړي وزارت یوه مامور ويلي دي چي په استانبول کي د وژل سوو کسانو نهه تنه آلمانان دي. په استانبول کي نن د سېلانيانو د خوښي يو ځای ته څېرمه سخته چاودنه وسه. ترکي چارواکو ويلي چي کیدای سي دا يو تروريستي يرغل وي.

په ترکيه کي رسنيو د عيني شاهدانو په حواله خبر ورکړی چي د استابول ښار په زړه کي ځانمرگی بريد سوی. چاودنه داسي زوروره وه چي څو کيلومتره وړاندي هم اورېدل سوې او احساس سوې ده.

د ترکيې د رسمي معلوماتو له مخي په دغه چاودنه کي چي احتمال کيږي تروريستي بريد به وي، لس انسانان وژل سوي او ۱۵ نور ټپيان سوي دي.

په استانبول کي د سفرکولو دفتر يوه کارکوونکي ويلي دي چي د چاودني په سيمه کي د آلماني سېلانيانو يوه ډله موجوده وه. اټکل کیږي چي دغه کس به د سيلانيانو په منځ کي خپل بم ته چاودنې ورکړې وي.

د پيښي سيمه پوليسو کلابنده کړې ده. د پيښي سيمه په استانبول ښار کي د سېلانیانو د خوښي تاريخي سيمي زاړه ښار «سلطان احمد» ته څېرمه ده.

تلويزيوني راپورونه ښيي چي د پيښي سيمي ته امبولانسونه او پوليس ور روان دي. تر دې دمخه د ترکيې سي ان ان تلويزيون د معلوماتو له مخي په ټپيانو کي شپږ کسان آلمانان ياد سوي ول.

د سلطان احمد په سیمه کي په نړۍ کي مشهور مسجد آيا صوفيه او شین مسجد هم سته چي ډېر سيلانيان ئې ليدو ته ورځي.

د تير ميلادي کال په جولای مياشت کي د اوربند تر پای ته رسېدو وروسته د ترکيې امنيتي ځواکونه د کردانو د کارگر گوند پر غړو خپلو يرغلونو ته زور ورکړی. په دې ترڅ کي د ترکيې په ډېرو ښارونو کي چاودني سوي.