په آلمان کې د بهرنيانو غونډه بريالۍ گڼل شوې ده | آلمان او نړۍ | DW | 13.07.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

په آلمان کې د بهرنيانو غونډه بريالۍ گڼل شوې ده

سياسي گوندونو او بېلابېلو ټولنو د آلمان د لومړۍ وزيرې په ماڼۍ کې د بهرنيانو د ټولنيز کېدو غونډه يوه لويه لاسته راوړنه بللې ده.

په آلمان کې دا مهال پنځه لس مليونه وگړي ژوند کوي چې خارجي اصل لري

په آلمان کې دا مهال پنځه لس مليونه وگړي ژوند کوي چې خارجي اصل لري

نوموړو ټولنيزو سازمانونو دغه ليدنه کتنه د تفاهم او پوهاوي په لاره کې يو »مهم گام« بللی دی. د پنج شنبې په غونډه کې د آلمان دولت، د ولايتونو او ولسواليو استازو او د بهرنيانو اتحاديو د نورو ټولنيزو ډلو په شمول د بهرنيانو په وړاندې د يوې نوې پاليسۍ او د يو نوي تړون پرېکړه کړې وه. دغو ډلو څلور سوه ټکي راپه گوته کړي چې آلماني ټولنې ته د خارجيانو د ورگډېدو دپاره اړين بلل شوي دي. په آلمان کې دا مهال پنځه لس مليونه وگړي ژوند کوي چې خارجي اصل لري. خو له بلې خوا د ترکانو يو گڼ شمېر ټولنو گډون نه و کړی او د کډوالو د يو نوي قانون په وړاندې يې احتجاج کړی و.

اړوند مطالب