1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

پر شمالي وزيرستان د عملياتو د پيليدو پريکړه سوې

يوه پاکستانۍ ورځپاڼه ليکي چي، د امريکا د متحده ايالاتو د بهرنيوچارو د وزيري، هيلري کلنټن د پرله پسي فشارونو وروسته، پاکستان پريکړه کړې چي په شمالي وزيرستان کي د القاعده شبکي او طالب جنګيالو پرضد پوځي عمليات پيل کړي.

په شمالي وزيرستان کي د تيرو عملياتو يو انځور

په شمالي وزيرستان کي د تيرو عملياتو يو انځور

د پاکستان د « دي نيوز» ورځپاڼه کاږي چي د القاعدې او طالب جنگياليو د پټ ځايونو د منځه وړلو پر سر پريکړه پاکستان ته د کلنټن او د متحده ايالاتو د پوځونو د مشر مايک مولن د سفر په ترڅ کي سوې ده.

امريکا د پاکستان څخه د ډيري مودې راهيسي په سيمه کي د حقاني شبکې پرضد د عملياتو غوښتنه کوله.

پر پاکستان وروسته له هغه هم دغه فشارون ډير سول چي اسلام آباد ته نژدې د القاعدې ډلي مشر اسامه بن لادن ووژل سو.

ورځپاڼه د يو لوړ پوړي چارواکي په حواله ليکي چي، د ځمکني عملياتو د مخه به د ترهگرو ځالي لومړی ترهوايي بريدونو لاندي ونيول سي. د عملياتو د وخت په اړه څه ندي ويل سوي.

په راپور کي راغلي چي، په شمالي وزيرستان کي د عملياتو ستراتيژي څه موده وړاندي جوړه سوې ول. خو د کلنټن تر سفر وروسته پر دې هوکړه سوې چي دغه عمليات څنګه پر مخ ولاړ سي.

Asif Ali Zardari Hillary Clinton

پاکستان تر اوسه پوري پدې اړه څه نه دي ويلي.

ورځپاڼه زياتوي:« دواړي خواوي د ګډوعملياتو پر سر موافق سوي. دا به د تروريزم په وړاندي روانه جګړه کي لومړی وار وي چي بهرني ځواکونه د پاکستان په خاوره کي عمليات تر سره کړي.» دا ګام به د پاکستاني جنرالانو له پاره د خطره ډک وي.

د ځينو څيړونکو په آند د پاکستان او امريکا ګډ پوځي عمليات به په پاکستان کي د امريکا ضد حساسيت نور هم را وپاروي او د پاکستان پوځ به د لا ډيرو ستونزو سره مخامخ سي.

د «تر ټولو خطرناک ځای» نومي کتاب ليکوال امتيازگل وايي.« ددې په خاطر چي ټول په پاکستان کي د امريکا د مداخلي په هکله شکمن دي کيدای سي غبرګون ډير جدي وي.» « د اسامه بن لادن په وژنه خلک هسي هم د خجالت احساس کوي او اوس به هغوی ته د غبرګون ښودولو بل لامل پيدا سي.»

خو په شمالي وزيرستان کي عمليات به يوه بله لاره وي چي د اسامه بن لادن تر وژل کيدو وروسته د امريکا او پاکستان خړي پړي اړيکي بيرته ورغول سي.

آژانسونه/ سيد رياض

کتونکی: نجيب الله زیارمل