1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

پاکستان غواړي چې ټول افغان طالب بندیان آزاد کړي

پاکستاني چارواکو ویلي دي، په پلان کې لري هغه افغان طالبان چې لا اوس هم د دوی په زندانونو کې بندیان دي له بنده آزاد کړي. ویل کیږي چې تر اوسه د سولې له پروسې څخه دا د پاکستان تر ټولو څرگند ملاتړ بلل کیږي.

د پاکستان د بهرنیو چارو د وزارت سیکرتر جلیل جیلاني، د جمعې په ورځ په ابو ظبې کې یوې خبرې غونډې ته وویل: «د باقي پاتې زندانیانو په اړه همغږي روانه ده، او هغوی به بیا وروسته له بنده آزاد کړای شي.» د دې پوښتنې په ځواب کې چې آیا په دغو کسانو کې به ملا برادر هم شامل وي، جیلاني وویل: «هدف دا دی چې ټول آزاد کړل شي.»

ښاغلي جیلاني دغه خبرې په ابوظبي کې د افغانستان او پاکستان له پاره د متحده ایالاتو د ځانگړي سرپرست استازي او د افغانستان د بهرنیو چارو وزارت سیاسي معین جاوید لودین سره تر لیدلو کتلو وروسته کړي دي.