1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

پاکستان: د تورونو لګولو لړۍ باید ختمه سي

د افغانستان، پاکستان او امریکا د متحده ایالاتو تر منځ د امنیتي مسایلو په سر په غونډي کي د پاکستان دولت پر امریکا او افغانستان غږ کړي چي پر یو بل دي د تورونو لګولو لړی ختمه کړي

د افغانستان، پاکستان او امريکا استازي

د افغانستان، پاکستان او امريکا استازي

د افغانستان، امریکا او پاکستان امنیتي غوڼډه په داسي حال کي ترسره کیږي چي طالبانو تر بل هر وخت په خپلو بریدونو کي ډیروالی راوستی او د افغانستان او پاکستان اړیکي هم د دغو دواړو هیوادونو تر منځ د توغندیو د تبادلي په سر لا ډیري ترنګلي شوي دي.

افغان ولسمشر د پاکستاني ځواکونو لخوا پر افغانستان د توغندیو توغول په کلکه غندلي. د ولسمشر په وینا د پاکستان له لوری په تیرو دري اونیو کي پولي ته څیرمه شاوخوا 470 راکټونه ورول شوی دی، چی په پایلي کي یي یو شمیر ملکي وګړو ته مرګ ژوبله اوښتی.

د بل پلوه پاکستان دغه تورونه ردوي او وایي چي کیدای شي په سهوي سره ځيني راکټونه د افغانستان په خاوري کي لګیدلي وي. پاکستاني چارواکي وايي چی د دغه هیواد پوڅ هیڅکله هم په قصدي توګه په افغانستان کوم راکټ نه دی توغولی.

د پاکستان په وینا کله چي اورپکي د افغانستان څخه په پاکستاني ځواکونو حملي کوي نو د هغوي په لوري په ځوابی بریدونو کي شاید یو څو راکټه د افغانستان په خاوره لګیدلي وي.

د دغي ګډي غونډي وروسته د پاکستان د بهرنیو چارو د وزارت سیکرتر، سلمان بشیر، یو مطبوعاتي غونډي ته وويل چی افغانستان او پاکستان باید پر یو بل د تورونو لګول بند کړي.

افغان دولت پاکستان په دي تورنوي چي د دوي ځیني کړي د طالب اورپکو سره مرسته کوي او په پاکستان کی پټنځایونه لري.

دا په داسی حال کی ده چی اوس د پاکستان دولت پر افغانستان تور لګوي چي پولي ته څیرمه په خاصه توګه په کنړ ولایت دوی طالبانو ته پناه ورکړي.

که څه هم د افغانستان، پاکستان او امریکا د ګډي غونډي اجنډا د طالبانو سره د روغی جوړي د خبرو په اړه ؤ، خو پر افغانستان د پاکستان د توغندیو بریدونه د دغي غونډي د سر ټکی ؤ.

په همدي حال کي د پاکستان د پوځ له خوا په خپري شوي خبرپاڼي کي راغلي چي د دوشنبی په ورځ په کابل کي د افغانستان، پاکستان او د امریکا د متحده ایالاتو لوړ پوړو پوځي قوماندانانو هم د پولي د وضعیت په اړه یوه غونډه کړی.

اژانسونه/ سید ریاض
کتونکی: مسعود جهش

DW.COM