1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

پاکستان: د ترهګرې خلاف کې د چین ملاتړې یو

د چین د دولتي رسنې په حواله د پاکستان ولسمشر، آصف علي زرداري، د دې خبرې ژمنه کړې چې د ترهګرې پر ضد جګړه کې به له خپل ګاونډي هیواد چین سره ژوره همکاري وکړي.

د پاکستان ولسمشر، آصف علي زرداري

د پاکستان ولسمشر، آصف علي زرداري

دا پداسې حال کې ده چې چینیایي چارواکو ویلي ول، چې په سنکیانګ کې په خونړیو پیښو کې ښکیل کسان په پاکستان کې روزل شوي ول.

 آصف علي زرداري د سې شنبې په ورځ دغه خبرې په سنکیانګ کې د کمونست ګوند مشر، ژانګ چونشیان،  سره په یوه غونډه کې کړي. ولسشمر زرداري د سنکیانګ په مرکز ارمچي کې په یو سوداګرېز نندارتون کې د ګډون په موخه چین ته تللی.

د ، پیپلز ډیلې، ورځپاڼي په حواله زرداري ویلي چې د اسلام آباد د هر رنګه ترهګرې پر ضد دی. دغه بیان کاږي چې زرداري ژانګ ته په خبرو کې ویلي: « پاکستان به د چین سره د ترهګرې په وړاندي جګړه کې لا ډیرې همکارې ولري، او مونږ به په ګډه د ترهګرو ځواکونو پر ضد و جنګیږو.»

د دغه اخبار په حواله په ځواب کې ژانګ ویلي: « ترهګري د انسانیت ګډ دښمن دی، او مونږ په دې برخه کې د پاکستان د مرستې څخه مننه کوو.»

پاکستان او چین د اوږدي مودي راهیسي کلکه ملګرتيا لري، او په نږدې وخت کې د پاکستان د امریکا د متحده ایالاتو سره د اړیکو تر ترینګلې کیدو وروسته نور هم د چین خوا ته ورنږدې شوی دی.

خو اوس چین هم د پاکستان د ثبات په اړه انديښمن دی، پداسې حال کې چین د اسلامي اورپکو پر ضد هلي ځلي کوي، او دا ویره لري چې دغه ډلې په پاکستان کې روزل کیږي.

چین په ديپلوماتیکه او اقتصادي توګه د پاکستان ستر مرسته کوونکې هیواد بلل کیږي. چین پاکستان سره د بنسټیزو جوړښتونو څخه نیولې تر اتومي بټیو او د وسلو په برخه کې مرسته کوي.

د چین سنکیانګ ایالت د پاکستان سره ګډه پوله لري، او د تیرې څه مودې راهیسې دغه سیمه د مذهبي شخړو شاهده پاتې شوي.

تیر کال د پاکستان د کورنیو چارو وزیر ویلي ول، چې دولت د ایغور د بیلتون غوښتونکو یو مشر په پاکستان کې وژلی.

اژانسونه/ سید ریاض
کتونکې: عبدالباري حکیم