1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

سيمه

پاکستان: بې پیلوټه الوتکې نهه شکمن کسان ووژل

پاکستاني امنیتي چارواکو ویلي دي چې د شنبې په ورځ د شمالي وزیرستان په شاوان سیمه کې د یوې امریکايي بې پیلوټه الوتکې په برید کې نهه شکمن یاغیان ووژل شول.

د امریکا متحده ایالات وخت نا وخت په پاکستان کې د یاغیانو د په نښه کولو له پاره د بې پیلوټه الوتکو عملیات په لاره اچوي. پاکستان څو څو وارې له امریکا څخه غوښتي دي چې دغه عملیات ودروي خو امریکا د یاغیانو د په نښه کولو له پاره د بې پیلوټه الوتکو کارول د خپلې پوځي ستراتیژۍ يوه مهمه برخه بولي.

د شنبې د ورځې په برید کې یوې امریکايي بې پیلوټه الوتکې د شمالي وزیرستان په شاوان سیمه کې پر یوه کور باندې توغندی وتوغوه چې په پایله کې ئې نهه کسان ووژل شول.

شاوان د افغانستان او پاکستان پر پوله پرته ده چې ډیر وخت د افغان، پاکستاني او نورو هیوادونو د یاغیانو پټنځای بلل کیږي.

دا په داسې حال کې ده چې په وروستیو کې یوې پاکستاني پارلماني کمیټې د پاکستان پر خاورې باندې د بې پیلوټه الوتو د بریدونو د ختمیدو غوښتنه کړې ده.

امریکا تر اوسه پورې د پاکستان د پارلماني کمیټې د دې غوښتنې له منلو څخه ډډه کړې ده او ویلي ئې دي چې د بې پیلوټه الوتکو عملیات له نړیوالو قوانیونو سره برابر دي.

په وروستیو کې باراک اوباما د لومړي ځل له پاره دا خبره ومنله چې هیواد ئې په پاکستان او یو شمیر نورو هیوادونو کې د بې پیلوټه الوتکو عملیات تر سره کوي.

آژانسونه/ مسعود جهش
کتونکی: احمد ولي اڅکزی