1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

پاکستانی چای والا په فلمونو کې له کار کولو سره لیوالتیا نه لري

ارشد خان، ۱۸ کلن پاکستانی ځوان، چې په وروستیو وختونو کې د خپل یوه انځور له کبله ډیر مشهوره شو، وایي په فلمونو کې د کار کولو اراده نه لري.

ارشد خان په ډیر کم وخت کې د ټولنیزو رسنیو له لارې ډیر زیات شهرت ترلاسه کړ. هغه دغه شهرت په انستاګرام ټولنیزه پاڼه کې یوه شریک شوي انځور له کبله خپل کړ. دغه پښتون ځوان په پاکستان کې چای پلوره، خو اوس ډیر کم داسې کسان شته چې د هغه نوم یې نه وي اوریدلی او پر تلویزیون یې د هغه انځور نه وي لیدلی. اوس راشد خان په پاکستانی چای والا مشهوره شوی دی.

Arshad Khan (Getty Images/AFP/F. Naeem)

راشد خان د دغه انځور له کبله ډیر مشهوره شو

خان چې شنې سترګې، وچه تنه او باریکه بریتان لري، د خپل ناڅاپي شهرت په اړه وایي: «هر څه یو دم وشول. »

پاکستاني ځایي رسنیو ویلي دي چې خان ته د مادلینګ او په فلمونو کې د کار وړاندیزونه شوي دي، خو دی وایي چې له دې کار سره لیوالتیا نه لري: «ما په فلمونو کې د کار کولو په اړه فکر نه دی کړی ځکه تر اوسه پورې کوم چا زما په کورنۍ کې دا کار نه دی کړی.»

خان ویلي دي: «په فلمونو کې کار کول، باعزته مسلک نه دی. پښتانه تل باعزته کار کوي. که ما ته کوم پاک او له عزته ډک کار پیدا شي، نو زه به یې وکړم.»

خو که خان په فلمونو کې له کار سره لیوالتیا هم ولري، نو ښايي د هغه له پاره په پاکستان کې ډیر څه د کولو له پاره نه وي. د هندوستان سینما، د هغه له پاره یو بل انتخاب دی، خو په وروستیو وختونو کې د اسلام آباد او نوي دهلي تر منځ د اړیکو د خرابیدو له کبله پاکستاني هنرمندان د دې هیواد په فلمونو کې د کار ډیر چانسونه نه لري.

Arshad Khan (Reuters/F. Mahmood)

اوس ډیر شمیر کسان له راشد خان سره انځورونه اخلي

خان وایي چې په هر حال له خپل ناڅاپي شهرت څخه خوند اخلي: «زه اوس پوه شوم چې ډیر ښایسته یم. ډیر خلک راځي چې له ما سره انځورونه او ویدیوګاني واخلي.»

پر وروته موضوع زموږ له آرشيف څخه(14.06.2016):

 

DW.COM