1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

پاپ له تېري پرې شوو کسانو سره کتلي دي

د رومن کاتوليکانو مذهبي مشر پاپ شپاړسم بنيديکت د امريکې په متحده ايالتونوکې له هغو کسانو سره کتلي دي، پر کومو چې د ماشومتوب په وخت کې د مذهبي راهبانو يا کشيشانو لخوا جنسي تېری شوی دئ.

پاپ شپاړسم بنيديکت

پاپ شپاړسم بنيديکت

په رپوټ کې ويل شوي چې پاپ د دې کسانو شکايت آورېدلی او له دوی سره يې په شريکه عبادت وکړ. شپاړسم بنيديکت په دې ارتباط مخکې هم خپل ژور تاسف ښودلی وو.

د پاپ په پروگرام کې د نورو مذهبونو له مشرانو او روحانيونو سره هم کتنه شامله وه.

په دې اړوند نوموړي څرگنده کړې، چې صلاح مشورې نه ښايي يواځې د يوه مذهب په چوکاټ کې پاتې شي، بلکه د نورو مخکښو سره هم بايد چې ليدنې کتنې او بحثونه وشي.

پاپ به نن د جمعې په ورځ په نيويارک کې د ملگرو ملتونو عمومي غونډې ته وينا کوي.