1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

يوې افغاني پوليسي يو امريکايي سلاکار وواژه

په افغانستان کي د دوست-دښمن بريدونو په ترڅ کي يو امريکايي سلاکار او پنځه تنه افغان پوليس وژل سوي دي. دغه پوليس بايد د بهرنيو ځواکونو تر وتلو وروسته د دغه هيواد امنيتي مسئوليت ته اوږه ورکړي.

Source News Feed: EMEA Picture Service ,Germany Picture Service U.S. security personnel escorts a U.S. convoy to Kabul police headquarters in Kabul December 24, 2012. An Afghan policewoman shot dead on Monday a U.S. forces member in the chief of police's compound in Kabul, police and NATO said, another insider attack that is bound to raise troubling questions about the direction of an unpopular war. REUTERS/Mohammad Ismail (AFGHANISTAN - Tags: CRIME LAW MILITARY POLITICS CONFLICT)

Afghanistan Polizei

د کابل د پولیسو مرستیال محمد داود امین، وایي چې د دوشنبې په ورځ یوې افغاني پولیسي د کابل د امنیه قوماندانی په ودانۍ کې یو امریکایي مشاور وژلی دی.

امین زیاته کړې ده، چې اوس په دې اړه څیړنې روانې دي چې آیا دغه پېښه په قصدي ډول رامنځته شوې ده او که یوازې یوه خواشینوونکی تصادف وو.

تر اوسه لا روښانه نه ده چې وژل شوی امریکايي یو پوځي مشاور وو او که په ملکي برخه کې د افغان حکومت سلاکار وو.

په افغانستان کې مېشتو ناټو ځواکونو هم ویلي دي، چې هغوی د دغه خبر په اړه څیړنې کوي او لا تر اوسه پورې په دې برخه کې معلومات نه لري.

د راپورونو له مخي بريد کوونکې یوه افغانه پوليسه او ژوندۍ نيول سوې ده. ويل کيږي چي وژل سوی امريکايي يو ملکي قراردادي وو.

دا لومړۍ ځل دی چي په افغانستان کي يوه ښځه چي د دغه هيواد په امنيتي ځواک کي دنده تر سره کوي پر بهرنيرنيانو باندي دوست- دښمن بريد ترسره کوي.

دغه راز د افغانستان په شمال کي په يوه ورته بريد کي پنځه تنه افغان پوليس وژل شوي دي. د جوزجان ولايت د امنيې قومندان عبدالعزيز غيرت ويلي دي، چي قاتل په تېښته بريالی سوی دی. دغه عسکر د امريکايي ځواکونو له خوا روزل شوي ول، او په پلان کي وه چي د افغانستان څخه د هغوی تر وتلو به امنيتي مسئوليت ته اوږه ورکوي.

یوازې په روان کال کې لږ تر لږه ۵۳ بهرني ځواکونه د افغان سرتیرو په بریدونو کې وژل شوي دي. دغه ډول بریدونو ته په رسنیو کې «شین پر زرغون» بریدونه هم ویل کیږي.

ناټو غواړي چي د ۲۰۱۴ کال ترپايه پوري له افغانستان څخه خپل ټول ځواکونه وباسي او د دغه هيواد ټول امنيتي مسئوليت افغانانو ته وسپاري.