1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

يوه مهاجر يو بل مهاجر د ۵۰ يورو په خاطر ړوند کړی

د جرمني په هناو ښار کي يو مهاجر په دې تورن سوی چي د۵۰ يورو په خاطر ئې يو بل مهاجر ړوند کړی. د دغه مهاجر محاکمه اوس روانه ده.

د دغه ۲۰کلن مهاجر محاکمه نن د دوشنبې په ورځ د جرمني په هناو ښار کي پيل سوه. د هغه مدافع وکيل ويلي دي چي دغه ځوان د محکمې په لومړي مجلس کي پر هغه باندي د لگېدلو تورونو په اړه څه نه وويل.

پر دغه مهاجر باندي تور دی چي د تيرکال په اکتوبر مياشت کي ئې له يوه بل مهاجر سره په لفظي شخړه کي هغه په غاړه کي دوه ځايه په چاقو وهلی بيا ئې دواړه غوږونه ور په غاښ کړي او په خودکار قلم ئې په دواړو سترگو کي وهلی دئ.

د هغه قرباني تر دغي پيښي وروسته ړوند سوی او روښانه سوې ده چي ټول عمر به ړوند وي. دغو دواړو مهاجرو د جرمني د باد سودن زالمونستر په مهاجر کمپ کي يو بل سره پيژندلي ول. د هغوی مليت ښوول سوی نه دئ.

تر دغي پيښي دمخه دواړو په شلوخترن سيمه کي په يوه خونه کي ژوند کاوه. دغه پيښه د قرباني په کور کي رامنځ ته سوې ده. تورن کس هم په دغه کور کي نيول سوی دئ.

عمومي څارنوالۍ ويلي دي چي دغه پيښه پر۵۰ يورو پور رامنځ ته سوې ده، خو د محکمې قاضۍ سوزانه تسل بيا شک لري چي علت دي ئې پنځوس يورو وي، د هغې په اند قضيه کيدای سي پراخه وي.

هغې د قضيې په اړه وويل: «دا يو ډېر وحشي او عجيبه عمل دئ». پخپله قرباندي د محکمې پر مهال حاضر نه وو.

دغه کس يعني قرباني بيا وورتسبورگ ښار ته نژدې د ړندو د ملاتړ له يوه مرکز څخه لادرکه سوی دئ.

زموږ له ارشيف څخه:

DW.COM