1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کلتور او هنر

يوه رسامي تر ټوله په لوړه بیه وپلورل شوه

ځیني خلک په هنر کې لیوني کیږي او ځیني بیا د هنر لیوني وي. د امریکا په یوه نندارتون کې د یوه مړه شوي امریکايي رسام هنري اثر په ۱۱۰میلیونه ډالره پلورل شوی دی.

د مړه شوي جیان میشایل باسکیا هنري اثر د نیویارک په یوه نندارتون کې په ۱۱۰ میلیونه ډالره وپلورل شو. د امریکايي هنرمندانو په دې نندارتون کې په ۱۹۸۲م کال کې د «بې عنوانه» په نامه دغه رسامي تر اوسه تر ټولو په لوړه بیه پلورل شوې.

د پنجشنبې په ورځ د سوتربي په نندارتون کې د هنري اثارو ټولوونکي جاپاني میلیاردر د لسو دقیقو په ترڅ کې کوپړۍ ته ورته د روغني رنګ پر رخت باندي د رسامۍ د رنګ یا اکرلیک او د سپرې د رنګ په مټ رسم شوی انځور د ۱۱۰.۵ میلیونو ډالرو په ارزښت خپل کړ.

د امریکا متحدو ایالاتو په بروکلین کې زیږیدلی باسکیا چې مور او پلار یې د هایتي او پورتو ریکو اتباع وو، په وړکتوب کې د نیویارک ښار د هنرونو موزیم ته ورغلی وو چې بیا وروسته د کوڅو د دیوالونو نامتو رسام شو. باسکیا په ۱۹۸۸م کې تر حد زيات مخدرو توکو د کارونې له امله په ۲۷ کلنۍ کې ومړ.

د یاساکو مایزاوا په نامه جاپاني سوداګر چې دغه اثر یې واخیست وویل چې وروسته له دې چې د باسکیا دغه هنري اثر نړیوالو ادارو ته د نندارې له پاره ورکړي، هغه پلان لري چې یاد اثر د جاپان په چیبا ښار کې په خپل موزیم کې نندارې ته وړاندي کړي.

مایزاوا وویل: «کله مې چې دغه رسامي ولیده نو هغې مینې چې زه یې له هنر او رسامۍ سره لرم، زه ډیر هیجان او خوښ کړم.» په عین حال کې د سوتربي د معاصرو هنرونو د څانګې مشر، ګریګویرې بیلاولت وايي چې تر دې مخکې ما هیڅکله هم په یوه رسامۍ کې تر دې اندازې پورې احساسات نه وو لیدلي.

د یادولو وړ ده چې د پابلو پیکاسو هنري اثر د نړۍ تر ټولو لوړ بیه هنري اثر دی. د پیکاسو د "The Women of Algiers"  هنري اثر په ۲۰۱۵م کال کې په نیویارک کې په ۱۷۹.۴ میلیونه ډالر پلورل شوی دی.

(AP,AFP/ KH)

زموږ له ارشيف څخه:

DW.COM