1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

يوه افغان عسکر دوه تنه امريکايي سرتېري ووژل

په کابل کې د څرخي پله زندان مخې ته دوه تنه امريکايي عسکر د يو افغان سرتېري له خوا ووژل او دوه تنه نور امريکايان په ډزو کې ټپيان شول. د افغانستان د پوځ وياند جنرال عظيمي د اي اف پي خبري اژانس په وړاندې د طالبانو هغه ادعاوې رد کړې چې گواکې نوموړی عسکر د طالبانو د ډلې غړی و او د طالبانو دغه راز ادعا يې درواغ وبلله.

نوموړی عسکر سمدلاسه د نورو افغاني عسکرو لخوا وويشتل شو

نوموړی عسکر سمدلاسه د نورو افغاني عسکرو لخوا وويشتل شو

جنرال عظيمي وويل چې نوموړی عسکر دوه ځله د ورپېښې روحي ناروغۍ په وجه بستر شوی و. نوموړي دا هم وويل چې پلټنې پيل شوي دي او د عسکرو له کورنيو سره يې غمشريکي وښودله. دا په داسې حال کې ده چې د کابل په ختيځ کې يو تن زلمی د توغندويو په بريد کې ووژل شو. پنځه تنه نور د يوه ماشوم په گډون ژوبل شوي دي.