په برلين کي يوه ايالتي اسقف مارکوس دروگه، د پروتستانو خبري آژانس «ای پي ډي» ته ويلي دي چي يوازي د برلين په ايالتي کليسا (لرلين-براندنبورگ-شليزيشه ابرلاوزيتڅ) کي ۵۰۰ مهاجرو ته د تعميد غسل ورکړل سوی دئ. هغه ويلي دي چي دا «دپام وړ شمېر» دئ.
د پروتستانو دغه اسقف زياته کړې: «موږ په ۲۰۱۵م او ۲۰۱۶م کلونو کي ۴۳۰ کسانو ته د تعميد غسل ورکړی او ۶۰ کسان لا د غسل په تمه دي. نو ويلای سو چي په ټوله ايزه توگه ۵۰۰ مهاجرو ته د تعميد غسل ورکړل سوی يا د دغه دين غوښتونکي دي.»
د ارزونو له مخي تر اوسه پوري داسي تصور کېده چي په ټول جرمني کي دي ۲۰۰۰ مهاجرو ته د تعميد غسل ورکړل سوی وي.
د ايالتي کليسا اسقف دورگه، ټينگار وکړ: «چي يوازي زموږ په کليسا کي ۵۰۰ مهاجرو ته د تعميد غسل ورکړل سوی، نو په ټول جرمني کي به ئې شمېر تر ۲۰۰۰ زيات وي.» د هغه په خبره هغو کسانو ته چي د تعميد غسل ورکړل سوی، ډېری ئې ايرانيان دي. د افغانستان، سوريې او عراق مهاجر پکښې لږ دي.
هغه زياته کړه: «د هغو ايرانيانو چي د تعميد غسل په تمه دي، ډېری ئې په خپل هيواد کي مسيحيت ته علاقمند ول، خو کولای ئې نه سوای چي دغه علاقمندي په ښکاره توگه وښيي. دلته په جرمني کي دوی کولای سي د مسيحيت له قواعدو سره سم ژوند وکړي.»
دروگه دا احتمال هم نه ردوي چي کيدای سي ډېرو مهاجرو د دې له پاره چي د پناه غوښتني کار ئې پر مخ ولاړ سي د تعميد غسل ته زړه ښه کړی وي. هغه ويلي دي: «په ځينو مواردو يا په هغه صورت کي چي د يادو مهاجرو په هيوادونو کي د عقېدې آزادي محدوده وي، د تعميد غسل کيدای سي د پناه غوښتني په برخه کي اغېزه ولري.» خو د هغه په خبره دا مساله حتمي نه ده.
د پروتستانو دغه اسقف ويلي دي: «موږ مهاجرو ته ويلي دي چي د تعميد غسل زموږ وټولني ته د ننوتلو کيلي نه ده.»
نور مطالب:
-
مهاجرت د کاريکاتور په بڼه کې
تعادل
د احمد بارکي ډیری موضوع ګانې مهاجرت سره تړاو لري. هغه په خپل دغه کاريکاتور کې ښي چې د سفر پر مهال د مهاجرو ژوند د ايښته په شان نري تار باندې بند وي. (د کاریکاتورونو تيتر د دویچهوله دی)
-
مهاجرت د کاريکاتور په بڼه کې
سرګردانه ژوند
کاريکاتوریست په خپل دغه اثر کې مهاجرت د سرګردانه ژوند د تکرار په توګه انځور کړی. مهاجر په بل ملک کې هم د آرام ژوند تيرولو په لټه کې سرګردانه ژوند تيروي.
-
مهاجرت د کاريکاتور په بڼه کې
سخت عادتونه
بارکي زاده وايي اعدام يوه فاجعه ده خو دا فاجعې زمونږ په شاوخوا کې دومره زياتې ترسره کيږي چې نور ورسره خلک عادت شوي دي. لارويانو ته هيڅ د حيرانتيا خبره نده چې وينې مړي ورسره خبرې کوي. خلک په ډیره عادي توګه له يو بله پوښتي:« نن يې څو کسان اعدام کړل»؟
-
مهاجرت د کاريکاتور په بڼه کې
اتلان که جنايتکاران
کاريکاتوریست وايي: « د ښار دغه سيمه یې د هغو کسانو په ياد رغولی چې د تاريخ په اوږدو کې د اتلانو په څير مطرح ول، خو په اصل کې يوازې قهرجن جنايتکاران ول». بارکي زاده وايي چې د کاريکاتورونو يوه ډلګۍ يې د «اتلانو» په نوم ده.
-
مهاجرت د کاريکاتور په بڼه کې
کتاب لرل جرم
يو جلاد د خپل کار د ترسره کولو وروسته، وينې پر يو کتاب پاکوي. بارکي زاده وايي چې دغه اثر يې د ۶۰ لسيزې قتلونو او زنځيره يې وژنو په تړاو رسم کړی. دی وايي: « د دغو کسانو جرم یوازې دا وو چې کتاب یې لرود او کتاب یې لوست او دهغو وينې به یې د هغو په کتابونو پاکولې».
-
مهاجرت د کاريکاتور په بڼه کې
دیپلماسی
په يوه وسیله کې چې اختيار یې د يو افراطي په لاس کې دی سپاره ديپلوماتان وايي:« دغه ديپلوماتان هر يو يې په لاسونو کې لاوډسپيکرونه لري، دوی پرته له خبرو بل کار نلري. د دوي کار فقط د اطلاعات ګډوډول دی. مونږ له سياستوالو څخه د سوريې په باب هره ورځ خبرې اورو خو څوک دغې پوښتنې ته ځواب نه ورکوي چې هلته د جګړې د ختمولو لپاره ولې يو کار نه ترسره کيږي؟ ولې د جګړې لپاره په شور او شوق وسلې پلورل کیږي».
-
مهاجرت د کاريکاتور په بڼه کې
د يو فکر خاوندان
احمد بارکي د يو جهاديست تصوير وښکلې چې له يو فاشست څخه پوښتي:« وروره، جهاد ونکړو؟» بارکي وايي چې د دغو دواړو په منځ کې توپير نه ويني، ځکه دواړه ايډیالوژیک کسان دي. هغه وايي غواړي چې« د هغو حماقت وښيي».
-
مهاجرت د کاريکاتور په بڼه کې
حافظه
په دې کاريکاتور کې يو اعدام شوی بندي ښودل کيږی چې سګرت څکوي. بارکي وايي:« دا هم په ایران کې د شويو اعدامونو او قتلونو يو انځور دی کوم چې د هيرولو لپاره يې هڅې کيږي. خو دا هغه څه دي چې هيڅ کله به هير نشي. زه غواړم د يو اعدام شوي کس له خولې ووايم چې زه ستاسو په ګولې نه مرم يوازې هغه وخت چې خپله وغواړم ستاسو له حافظو څخه به ووځم».
-
مهاجرت د کاريکاتور په بڼه کې
هيلې
مشران تل جکړه خپل «آرمان» ګڼې او په وياړ سره لښکرې دغه «ارمان» ته استوي. په دغه کاريکاتور کې جګړه د يوه ژور ګړنګ په څير ښودل شوې ده چې هيڅ کله ګټونکی نلري.
-
مهاجرت د کاريکاتور په بڼه کې
مخکښان
دغه کاريکاتور په ۱۳۷۳ لمريز کال کې وښکل شوی دی. د کاريکاتوریست پر وينا:« اصلاح غوښتونکې ډلې یې رسم کړي چې د دموکراسۍ او پرمختګ شعارونه به يې ورکول او د « جوړښتونو اتل» په شان القابو او یا هم د «فعال سکون» او «روڼتیا جوړنې» له اصطلاحاتو څخه به یې کار اخیسته.» بارکي دغه ډله هغو مخکښانو ته تشبیه کړي چې پر آس به سرچپه سپريدل.
-
مهاجرت د کاريکاتور په بڼه کې
سانسور
کاريکاتوريست په دې اثر کې د سانسور بحث راسپړولی او وايي:« کله به مو چې ايران کې غوښتل يو نندارتون پرانيزو او یا یو کتاب چاپ کړو، نو دومره به تر فشار لاندې نيول کيدو چې په نهایت کې به هغه قضيه بندي شوه. یعنې د کار اجازه به راته نه راکول کيده. دا په دې مانا لکه د «هنري اثر» څخه د خالي چوکاټونو نندارتون.
-
مهاجرت د کاريکاتور په بڼه کې
ځان ځاني
بارکي په دې کاريکاتور کې هم په ټولنه کې د فجايعو عادي کيدو ته اشاره کوي:« دلته د ټولنيزو حماقتونو بحث دی. مونږ فجایع وينو خو پر وړاندې يې ډير ساده غبرګون ښيو».
-
مهاجرت د کاريکاتور په بڼه کې
سوله
نړۍ ته به سوله بلاخره په دې توګه رسيږي...
-
مهاجرت د کاريکاتور په بڼه کې
احمد بارکي د خارکیف پوهنتون د هنر او طراحۍ اکاډمۍ څخه فارغ شوی دی. هغه يوه موده په تهران کې د هنر په برخه کې تدريس هم کړی دی. بارکي په ۱۹۹۴ کال کې په فرانسه کې د «طنز او شراب» فیستوال د کاريکاتور جايزه وګټله. په ۱۹۹۰ او ۲۰۰۰ کال کې يې هم هنري جايزې ترلاسه کړي دي.
-
مهاجرت د کاريکاتور په بڼه کې
د ايراني کاریکاتوريست احمد بارکي زاده او آلماني کاريکاتوريست کلاوس اشوتمن اثرونه د آلمان پلازمينه برلين ښار کې نمایش ته کيښودل شول. دغه پروګرام د آلمانۍ «تاګس شپيګل» ورځپاڼې لخوا جوړ شوی وو.
