1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

ویستر ویله د برما له مشرتابه سره وکتل

جنوبي آسیا ته د خپل سفر په پای کې د المان د بهرنیو چارو وزیر ګیدو ویسترویله غواړي نن دوشنبه د برما د جمهور رئیس تاین زاین سره وګوري. دی به په پلازمینه نایپیادو کې دغه هیواد  نور هم د دموکراسۍ په لور وهڅوي. ویستر ویله به د خپل سفر په ترڅ کې د دغه هیواد د اپوزیسیون سره هم وګوري.

د یکشنبې په ورځ ویسترویله په بندري ښار رنګون کې د نوبل د سولې د جایزې د ګټونکي او د اپوزیسیون د مشرې  اونګ سان سوچي سره هم وکتل. په پای کې ویسترویله وویل چې المان به په دغه هیواد کې د اصلاحاتو د راوستلو څخه بیا هم خپل ملاتړ ته ادامه ورکړي.