1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

وکيلان بيا هم د ريس په ټاکل کيدو کښي پاته راغلل

امان الله پيمان، مولوي شهزاده شاهد، عبدالحفيظ منصور، عبدالقيوم سجادي، کمال ناصر اصولي او منور شاه بهادري هغه شپږ تنه ول چي د ټاکنو په لومړي پړاو کي و نه توانيدل چي د بريالي توب لپاره پنځوس جمعه يو رايه خپله کړي.

په انځور کښي د پخواني پارلمان غړي تر سترګو کيږي

په انځور کښي د پخواني پارلمان غړي تر سترګو کيږي

نن د دريم ځل لپاره د ولسي جرګي د رياست د څوکۍ لپاره سيالي وسوه.

د سيالۍ په لومړي پړاو کي چي مخکي له غرمي تر سره سوه شپږ تنو ځانونه د رياست څوکۍ ته ونومول.

دغه ټول نوي څيرې دي خو يو هم د پخوانيو نوماندانو په څير پياوړی نه ښکاري چي ګني د جرګي د مشرۍ لپاره دي اړيني رايي تر لاسه کړي.

د پينځمي دوري د ټاکنو په لومړي پړاو کي امان الله پيمان د ۵۴ رايو او عبدالقيوم سجادي د ۶۳ رايو په خپلولو سره و توانيدل چي دوهم پړاو ته لاره ومومي.

او پاته څلور نور کسان چي مولويي شهزاده شاهد ۴۰ رايي، عبدالحفيظ منصور: ۱۴ رايي، کمال ناصر اصولي ۳۸ رايي او منورشاه بهادري ۲۱ رايي خپلي کړي.

د رياست د څوکۍ لپاره له کندهار ولايت څخه خالد پښتون هم ځان نومولي وو خو نوموړي د رايي ګيرۍ د لومړي پړاو له پيليدو دمخه خپله استعفا وړاندي کړي.

ولسي جرګي څو ځله مخکي هم ټاکني کړي خو د پخواني مشر عبد رب الرسول سياف او د ولسي جرګې د پخواني مشر يونس قانوني په ګډون يوه نوماند هم اړيني ۵۰ + يو رايي نه دي تر لاسه کړي.

د ولسي جرګي موقت ريس د رياست څوکۍ ته د نوو شپږو څيرو له نه بريالي کيدو وروسته د شورا د اکثريت غړو په سلا مشوره پر دې پريکړه وکړه چي له غرمي وروسته يو ځل بيا د هغو دوو نوماندانو هر يوه امان الله پيمان او داکټر سجادي تر منځ سيالي وسي کومو چي په دي پړاو کي تر نورو څلورو ډيري رايي تر لاسه کړي وي.

د دوهم پړاو په ټاکنو کي ۲۳۵ تنه وکيلان سوب او ۱۴ ناسوب ول.

دا ځل د رياست د څوکۍ د تر لاسه کولو لپاره د ۱۱۸ رايو تر لاسه کول معيار وټاکل سو.

د ټاکنو د دوهمي پړاو په سر ته رسيدو سره د رايو شميرنه وسوه.

په دغه پړاو کي ښاغلي امان الله پيمان ۶۳ رايي او عبدالقيوم سجادي ۸۶ رايي تر لاسه کړي.

د ولسي جرګي موقت ريس ښاغلي عثماني دواړه کانديدان پاتي راغلي ووبلل چي په وينا يې د رياست د څوکۍ لپاره يې لازمي رايي تر لاسه نه کړې.

په تيرو نژدي دوو اوونيو کي د ولسي جرګي د رياست ټاکني پر يوي ناندريزي مسالي اوښتي دي.ولسمشر کرزي نن يوي خبري غونډي ته وويل چي د ولسي جرګي په دننه کي بحثونو او لفظي مشاجرې د ولسواکۍ اصل دی او دا د وکيلانو کار دی چي څوک د خپل ريس په توګه ټاکي.

DW.COM