1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کلتور او هنر

ونود کهنه له نړۍ سترگې پټې کړې

د هند وتلی فلمي هنرمند، فلم جوړونکی او سیاستوال ونود کهنه په ممبي کې د ۷۰ کلونو په عمر ومړ. هغه له ډیرې مودې راهیسې د سرطان په ناورغۍ اخته وو.

د ممبي د سر اچ ان ریلائنس فاونډیشن روغتون ویاند تُشار پانیه، ویلي دي چې ونود کهنه د مثانې په سرطان اخته وو او په وینا یې د اپریل میاشتې پر ۲۷ نیټه ومړ.

ونود کهنه په ۱۹۴۶م کال کې په پیښور کې زېږېدلی او په ۱۹۶۸م کال کې یې د هنر په ډگر کې قدم ايښی وو. هغه د خپل مسلکي ژوند په اوږدو کې تر سلو زیاتو فلمونو کې کار کړی دی. په اتیایمه لسیزه کې هغه د میلیونونو مینه والو په زړه کې ځای درلود. په دغو دوو لسیزو کې هغه د باليووډ په مخکښو ستورو کې هم شمیرل کیدی.

د هغه په یادگاري فلمونو کې «میرې اپنې»، «میرا گاو میرا دیش»، «غدار»، «کچې دهاگې» او «امر اکبر او انتهوني» فلمونه شامل دي. په «امر اکبر او انتهوني» فلم کې د هغه نقش ډیر ستایل شوی وو. دغه فلم د درو داسې ورونو کیسه وه، چې په وړکتوب کې یو له بله څخه ورکیږي.

په انځور کې کیڼ لاس ته اکشې کهنه



په ۱۹۸۲م کال کې ونود کهنه څه موده له فلمي نړۍ سره مخه ښه وکړه او د یوه روحاني گورو یا مشر اوش رجنیش پیروي شو. خو پنځه کاله وروسته یې بیا فلمي نړۍ ته مخه کړه او خپلو مینه والو ته یې د «انصاف» او «ستیامیو جیاني» فلمونه نندارې ته وړاندي کړل.

په ۱۹۹۷م کال کې ونود کهنه د بهارتیه جنتا پارټي، له لوري د لوک سبها یا ولسي جرگې په ټاکنو کې برخه واخیسته او د جرگې غړی هم شو. کهنه دوه ودونه کړي ول او څلور ماشومان لري چې پکښې هنر مند اکشې کهنه هم شامل دی.

زموږ له ارشيف څخه:

 

DW.COM