1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

ولي په آلمان کي مهاجر تر زده کړو کار ته زړه ښه کوي؟

د آلمان د کار ادارې د معلوماتو له مخي دغه هيواد ته ډېر راغلي مهاجر تر زده کړو کار ته ډېر زړه ښه کوي. د دې دليل له خپلو کورنيو سره مرسته او د پورونو ادا کول ښوول سوي دي.

د آلمان د کار ادارې يوه مشر رايموند بيکر، له «زود ديچه څايتونگ» ورځپاڼي سره په خبرو کي ويلي دي: «زموږ د معلوماتو له مخي ډېر مهاجر غواړي چي هرڅه ژر پيسي وگټي.»

د هغه په خبره: «دوی غواړي چي په دې سره په خپلو هيوادونو کي له خپلو کورنيو سره مرسته وکړي او د هغو قاچاقبرانو چي دوی ئې تر اروپا پوري رارسولي دي پورونه ورکړي.»

هغه زیاته کړې ده: «ډېری مهاجر په آلمان کي د حرفوي زده کړو په اړه معلومات نه لري. دوی ته بايد په دې اړه د یوه مسلکي کس له خوا معلومات ورکړل سي.»

اروپا ته د مهاجرت په اړه نور معلومات دلته لوستلای سئ

د کار بازار په برخه کي د يوه څېړنيز انستيتوت څېړنه ښيي چي په آلمان کي هغه خلک چي خرفوي زده کړي ولري تر هغو کسانو ډېري پيسي گټي چي زده کړي ئې نه وي کړي.

د کارپوهانو په نظر دا ډېره مهمه ده، څو هغو مهاجرو ته چي حرفوي زده کړي ئې نه وي کړي د زده کړو زمينه برابره سي او هغوی دې ته وهڅول سي چي په دغه هيواد کي حرفوي زده کړي وکړي.

د کار په بازار کي د هغو کسانو د بې کارۍ چانس ډېر لږ دئ چي حرفوي زده کړي ئې کړي وي.

خو د ډېرو مهاجرو ستونزه دا ده چي دوی تر اورپا پوري ځانونه په پور راسولي وي او يا تر شا ئې داسي کورنۍ پرې ايښي وي چي د اقتصادي ستونزو د ليرکولو له پاره بل څوک نه لري.