1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

وسله وال په پېښور کي د پاکستاني پوځ په ودانۍ ننوتلي دي

دوې روځي تر مخه داسي خبرونه رسېدلي وه چي په پېښور کي يو بريد تر سره کېدونکی دی چي وروسته امنيتي چارواکو د پېښور د صدر سيمي امنيت ټينګ کړی ؤ.

default

د پاکستان د خيبر پښتونخوا ايالت په مرکزي ښار پېښور کي د پاکستاني پوځ پر يوه ودانۍ بريد سوی دی. د پاکستاني پوځ دغه ودانۍ په پېښور کي د امريکا د متحده ايالتونو و قونسلګرۍ ته نژدې واقع ده.

دپاکستاني پوځ وياند اطهر عباس ويلي دي چي د پوښتنو ګروېږنو په موخه يو څو مشکوک کسان د پاکستاني پوځ دغه ودانۍ ته راوستل سوي وه. د نوموړي په وينا دغو کسانو د پيره لرونکو پوځيانو څخه وسلې حمله کړې او دوه پيره لرونکي پوځيان يې يرغمال ونيول.

د خيبر پښتونخوا د ايالتي حکومت وزير بشير بلور د ژورنالستانو سره د خبرو پر وخت وويل چي د شنبې په ورځ د سهار په شپږو بجو د پېښور په کېنټ يا چاونۍ کي وسله وال بريد تر سره سو. بلور زياته کړه چي وسله وال پدې توانېدلي دي چي ودانۍ ته ور ننوزي.

د يوې پوښتنې په ځواب کي بشير بلور دا ومنل چي په يوه حساسه ودانۍ د وسله والو ننوتل د حکومت کمزوري څرګندوي. خو ده زياته کړه چي امنيتي چارواکو د وضعې کنټرول تر لاسه کړی دی.

پوليسو ويلي دي چي دوی د وسله والو د شمېر او پدې هکله معلومات نه لري چي وسله وال د ودانۍ په کومو برخو کي پټ سوي دي. امنيتي چارواکو و د سيمي ټوله سړکونه بند کړي دي او په هوا کي هم څرخي اولوتکي ګرځي.

پاکستاني امنيتي چارواکو ويلي دي چي دوی هڅې پېل کړي دي چي ودانۍ بېرته د وسله والو څخه ونيسي.

ليکونکی: احمدولي اڅکزی/ آژانسونه

کتونکی: محمد قاسم نوري