1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

وسله والو طالبانو د سنگين ولسوالۍ پر مرکز يرغل کړی

د سنگين ولسوالۍ يوه قومي مشر ويلي دي چي وسله والو طالبانو د دوشنبې په ورځ د دغي ولسوالۍ پر مرکز يرغل کړی دئ. هغه ويلي دي چي طالبانو د ولسوالۍ وداني او امنيه قومانداني نيولې ده.

د جرمني خبري آژانس لیکي چي حاجي سيف الدين سنگينوال د دوشنبې په ورځ رسنيو ته ويلي دي چي د دغي ولسوالۍ پر مرکز باندي تر ساعتونو جگړې وروسته وسله والو طالبانو د ولسوالۍ وداني او امنيه قومانداني نيولي دي. هغه ويلي دي چي امنيتي ځواکونه يوې نژدې سيمي ته پر شا سوي دي.

سنگينوال ويلي دي چي دواړو خواوو ته تلفات هم اوښتي دي.

خو د هلمند ولايت مقام او پوليسو وياندانو ويلي دي چي وسله وال طالبان بيرته پر شا تمبول سوي دي.

دا په داسي حال کي ده چي د افغانستان د ملي امنيت شورا له خوا د هلمند له چارواکو غوښتل سوي ول چي په دغه ولايت کي د امنيت په اړه په خبر ورکولو کي پام وکړي.

د هلمند د ځينو نورو ولسواليو د مرکزونو په شان د سنگين ولسوالۍ مرکزي بازار هم له څو مياشتي راهيسي په بشپړه توگه تړل سوی دئ.

د حاجي سيف الدين سنگينوال په خبره په دغه ولسوالۍ کي نژدې ۴۰۰ دوکانونه له مياشتو راهيسي تړل سوي دي.

وسله وال طالبان د هلمند ولايت نژدې ۸۰ سلنه سيمه په کنترول کي لري. هلمند په افغانستان کي د کوکنارو د کښت او کروندې ستر مرکز بلل کيږي.

نور مطالب:

DW.COM