1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

واشنگټن له سوريې او ايران سره خبرو ته لاره پرانستله

د امريکا متحده آيالات د دې پاره چې په عراق کې امنيت ټينگ شي دې ته حاضر دي چې له ايران او سوريې سره يو ځای يوه گردي مېز ته کښېني. د امريکې د بهرنيو چارو وزيرې کندوليزا رايس وويل چې د هغې حکومت د عراقي دولت لخوا د پيل شويو دپلوماتيکو هڅو ملاتړ کوي.

. کېدای شي چې د امريکې او ايران تر منځ مستقيمې دوه اړخيزې خبرې اترې هم وشي

. کېدای شي چې د امريکې او ايران تر منځ مستقيمې دوه اړخيزې خبرې اترې هم وشي

عراق دوه نړيوال کنفرانسونه رابللي دي. په لومړي کنفرانس کې مهم ټکي امنيت، اقتصادي پرمختگ او پخلاينه ټاکل شوي دي. دغه کنفرانس به د مارچ تر مياشتې پورې په بغداد کې تر سره شي. دغې غونډې ته د عراق گاونډي هېوادونه، د ملگرو ملتونو د امنيت د شورا پنځه دايمي غړي او نور بين المللي سازمانونه راغوښتل کېږي. کېدای شي چې په دې لړ کې د امريکې او ايران تر منځ دوه اړخيزې خبرې اترې هم وشي. يوه مياشت وروسته به يوه دوهمه غونډه د يادو شويو هېوادونو برسېره د جي اته د ټولنې د غړيو صنعتي هېوادونو په شمول راوبلل شي. آلمان هم د نوموړې ټولنې غړی دی.