1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

بشري حقونه

هېر شوي ماشومان

هغه ماشومان چې د غزې په ترړانگوکې ژوندکوي، د » هيرشويو ماشومانو « په نوم هم ياديږي. ځوان انسانان چې په هواکې د ټانکونو د ډزو د انگازوپه شيبوکې هڅه کوي چې، په نه ليدل کيدونکوموجوداتو بدل شي. هغه انسانان چې له خپلوکورنيواوملگروسره ځانونه په کنډوالوکې پټوي.

يو فلسطيني ماشوم د اسامه بن لادن عکس په لاس کې گرځوي

يو فلسطيني ماشوم د اسامه بن لادن عکس په لاس کې گرځوي

دا داسي ماشومان دي، کوموچې چپ پاتې کيدل زده کړيدي.

د غزې په ترړانگوکې 838000 تنه ماشومان او نوي ځلميان ژوند کوي. د غزې د ترړانگو د ټولو اوسيدونکو ترنيمايي لالويه برخه تر 18 کلونو لالږ عمرلري. يوه سيمه چې ترفلسطينۍ ادارې لاندې ده او د هوا او اوبو په شان يې د شمال او ختيځ پولې، د اسرائيلي پوځ لخوا کنترول کيږي.

اتيا په سلو کې ماشومان روحي ستونزي لري

يوه فلسطينۍ ژورناليسته ليکي: » د غزې ترړانگې يو سرخلاصی زندان دی. «
د يوې خيريه ټولنې يوکارکونکی وايي: » د غزې ترړانگې يوه داسې تړلې فضاده چې په هغې کې د ژوند کولوتصور د ناروغه کونکې ويرې د مينځته راتلو سبب کيږي. «
د ملگروملتونوله ماشومانوسره د مرسته کونکې ټولنې يونيسف د څرگندونوله مخې، د غزې د ترړانگو تقريبا اتيا په سلو کې ماشومان د روحي ستونزوله امله ځوريږي، ځکه چې ژوبل شوي، ځکه چې د هغوۍ مخې ته انسانان وژل شويدي. هغوۍ د شپې لخوا ډارونکي خوبونه ويني او د ويرې څپې پرې راځي.