1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

هيلری کلينتن: ايران بايد خپل خطرناک دريځ پريږدی او په سيمه کې ګټور تمام شی

کلينتن د سنا په غونډه کې د سې شنبې په ورځ وويل:« امريکا نه شی کولای بيړنۍ ستونزې يوازې حل کړی، او نړی هم نه شی کولای له امريکې پرته يي حل کړی.»

هيلری کلينتن

هيلری کلينتن

کلينتن ټينګار وکړ چې نوﺉ حکومت به په منځني ختيځ کې د سولې د راوستو لپاره هڅې وکړی. دا يواځې په اسراييل او فلسطين باندې نه څرخی بلکې د ايران د اټوم پروګرام هم په بر کې نيسی. متحد ايالتونه د غزې په تړانګه کې د روانې لانجې سره سره، د سولې هيلې له لاسه نه دی ورکړی.

کلينتن دغه راز وويل: «اسراييل له خپلو ګاونډيو سره نورمالو او ښو اړيکو ته اړتيا لری. او فلسطين هم په خپل هيواد کې آزادۍ، اقتصادی پرمختګ او امنيت ته اړتيا لری.»

د امريکې د بهرنيو چارو راتلونکې وزيرې هيلری کلينتن په بهرني سياست کې د يوه بدلون اعلان وکړ. دې په سنا کې د سې شنبې په ورځ دغه راز وويل: « د ټاکل شوي ولسمشر بارک اوباما حکومت به په بهرنيو اړيکو کې په ايديالوزۍ نه، بلکې په پراګماتيزموس رهبری شی. دې دغه راز وويل: « موږ بايد هغه څه پکار واچوو چې موږ يی مستعد توان بولو.»

د بوش په پايته رسيدونکي حکومت په وار وار تور ولګيد چې په بهرني سياست کې په ايډيالژيکو بنسټونو رهبری شوې. ددې تر څنګ کلينتن اسراييلو ته د امريکې د متحدو ايالتونو د امنيت ډاډينه ورکړه. خو د امريکې متحد ايالتونه بايد د فلسطينيانو مړينه، خپل هيواد لپاره هم په رسميت وپيژنی.

د ايران سره د ټوم په لانجه کې، کلينتن د نه بدليدونکي او سخت دريځ ډاډ ورکړ، څو د ايران اسلامی جکهوريت د اټومی وسلو له جوړولو څخه منع کړی. د تراوسه ايران سياست څخه هيڅ هم لاس ته نه دي راغلي، ښايي چې اوس نوی اوښايي بل دريځ غوره شی.

کلينتن: ايران او سوريه بايد خپل خطرناک دريځ پريږدی او په سيمه کې ګټور تمام شی

کلينتن: ايران او سوريه بايد خپل خطرناک دريځ پريږدی او په سيمه کې ګټور تمام شی

کلينتن د شمالی کوريا د اټومی پروګرام په اړه د شپږو ډلو د خبرو ستاينه وکړه، او ويې ويل چې خبرې اترې ددې لپاره چې په دغه بې وزلي کمونيستی هيواد زور واچول شی، د هستوی وسلو جوړونه پايته ورسوی، ښه وسيله ده. دا به د نورې پراختيا په هکله سوچ وکړی.

شمالی کوريا په 2005 زيږديز کال کې د سهيلی کوريا، د امريکې متحدو ايالتونو، چين، جاپان او روسيې په وړاندې د اټومی پروګرام څخه د ډډې ژمنه وکړه او يو کال وروسته دغه هيواد يوه اټومی خولۍ وازموييله او له هغه وخته دغه جوړې ځنډيدلې ده.

کلينتن ټينګار وکړ: « زموږ موخه د شمالی کوريا د اټومی پروګرام بندول دی.»

داوباما حکومت ددې تر څنګ له روسيې اوچين سره د اقتصاد، امنيت او د اټومی وسلو د نه پراختيا د مسايلو په برخه کې. ګډ نژدې کار پلانوی.

کلينتن وويل، له ستر ديپريشن نه وروسته نړی په اقتصادی زنګيدنه کې ده، ددغه کړکيچ کيسې موږ ته دديپلوماتيکې ناکامۍ او د نه ټاکل شوی عکس العمل عاقبت را په ګوته کویږ» دغه راز بايد د امريکې متحد ايالتونه له نورو پرمختګونو هيوادونو سره د اقتصادی لانجې په برخه کې ګډ کار وکړی.