1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

هنگري غواړي مهاجر بیله حقوقي پروسې اخراج کړي

هنگري غواړي عملأ هغه مهاجرین چي په غیر قانوي ډول سره د بالکان له لاري ورغلي دي، بې له یوې حقوقي پروسې څخه بیرته صربستان یا کروشیا ته اخراج کړي.

سر له سه شنبې ورځي څخه به نور هغه کسان چي په غیر قانوني ډول له سرحد څخه راتیریږي تر اته کیلومترۍ پوري به د هنگري په خاوره کي نیول کیږي او بیرته به سرحد ته وړل کیږي.

بیابه نو دصدراعظم ویکتور اوربان د امنیتي مشاور «گیورگي باکونډي» په خبره هغوی ته راتلونکی ترانزیټ زون ښکاره کیږي. د هنگري پارلمان هم د حکومت دغه پلان ته اجازه ورکړې ده.

ترانزیټ زون د هنگري د اغزن دیوال اخوا ته موقعیت لري او په دې ډول سره د هنگري په نظر د دوی په دولتي حاکمیت کي هم نه دی شامل. مهاجرين کولای سي، هلته د پناه غوښتنه هم وکړي.

که د مثال په ډول غیر قانوني راداخل سوي مهاجر ونیول سي نو د ۲۰۱۵م کال له دوبي راهیسي د معتبر قانون پر اساس به د سرحد نقضولو په تور محاکمه کیږي.

د باکونډی په خبره تر اوسه پوري دغه ډول ۴۹۴۲ قضیې موجودي وې. که څه هم هغوی صربستان او کروشیا ته په اخراجولو باندي محاکمه سوي دي خو هغه لږ عملي کیږی، ځکه چي همسایه هيوادونه مهاجرين ډیر لږ وخت بیرته مني.

باکونډي اضافه کوي چي د سږ عیسوي کال له پیل څخه هنگري ۱۷۳۵۱غیر قانوني مهاجرين نیولی دي. په ۲۰۱۵ م کال کي بیا مجموعأ ۳۹۱۰۰۰ تنه وه. ۳۳۰ تنه بندیان دي. هنگري د ۱۹۹۰۰۰ مهاجرو له جملې څخه فقط د۲۶۴ د پناه غوښتنه منلې ده.