1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

هنگري د مهاجرو د مخنيوي له پاره دوهم دېوال جوړوي

د هنگري حکومت هڅه کوي چي دغه هيواد ته د مهاجرو د ورتگ د مخنيوي له پاره له سربستان سره په سرحد کي يو بل دېوال پورته کړي. لومړی دېوال ۱۷۵ کيلومتره په ۲۰۱۵م کال کي جوړ سو.

د هنگري د لومړي وزير ويکتور اوربان په مشرتوب محافظه کاره حکومت پتېيلې ده چي دغه هيواد ته د مهاجرو د ورتگ د مخنيوي له پاره يو بل سرحدي دېوال جوړ کړي.

اوربان تر دې مخکي د يوه داسي دېوال چي هيڅوک به «ترې تېرېدلای» نه سي، د جوړولو خبر ورکړی او اعلان ئې کړی وو: «د دېوال جوړولو له پاره فني نقشې به ډېر ژر تياري سي. دغه حصار به په فني دستگاوو سمبال وي. په دې سره به هيواد ته د په سونو زرو مهاجرو د راتگ مخه ونيول سي.»

هغه مهاجر چي غواړي د بالکان له لاري د هنگري او سربستان له سرحدونو ځانونه مرکزي او شمالي اروپا ته ورسوي، ډېری ئې د سوريې او افغانستان له جنگه تښتېدلي دي.

د هنگري پر مهاجرو ضد سياست باندي د اروپايي ټولني نورو غړو هيوادونو له خوا نيوکي زیاتي سوي. بوداپست تر اوسه پوري د مهاجرو په برخه کي د وېش له پريکړي څخه ځان پېچلی.

اوربان ويلي دي چي د مهاجرو بحران د اروپايي ټولني او غړو هيوادونو له پاره تر ټولو ستره ستونزه ده.

ويکتور اوربان يو له هغو کسانو څخه دی چي د جرمني د صدراعظمي انگلا ميرکل پر مهاجر پلوه سیاست باندي سختي نيوکي کوي.

 

زموږ له ارشيف څخه نور مطالب:

DW.COM