1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

سيمه

نواز شریف د هند او افغانستان په اړه نوي معلومات ترلاسه کوي

چارواکو ویلي دي چې د پاکستان لومړی وزیر نوازشریف، به په کشمیر کې د وروستيو پیښو په اړه تازه معلومات ترلاسه کړي. پاکستان پر هندوستان باندې تور لګولی دی چې اوربند یې مات کړی او دا چې هندي ځواکونو یو پاکستانۍ وژلی دی.

دوو چارواکو د اسوشیتد پرس خبري آژانس ته د جمعې په ورځ ویلي دي چې نواز شریف به همداراز د هغو تدابیرو په اړه معلومات ترلاسه کړي چې پاکستاني پوځ غواړي د هغوی له نیولو سره د افغانستان او پاکستان تر منځ د ترهګرو د تګ راتګ مخه ونیسي.

پاکستان او افغانستان یو پر بل باندې تور لګوي چې په خپله خاوره کې یې د بل مخالفینو ته ځای ورکړی دی او دا چې ترهګر په یوه هیواد کې بریدونه پلانوي او بیا يې په بل کې ترسره کوي.

چارواکو د نوم د نه بربنډولو په شرط دغه معلومات له اسوشیتد خبري آژانس سره شریک کړي دي.

په وروستیو وختونو کې د هندوستان او پاکستان تر منځ اړیکي یو ځل بیا ترینګلې شوې دي. په وروستي مورد کې پاکستان د هندوستان یو دیپلومات راوغوښت او هغه ته یې د چهارشنبې ورځې د پیښې له کبله خپل شکایت وکړ.

هندوستان او پاکستان دواړه د کشمیر یوه برخه اداره کوي، خو هم اسلام آباد او هم نوي دهلي بیا د ټول کشمیر د مالکیت دعوا لري.