1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن یکشنبه، د اگست د میاشتې ۱۲مه نیټه او د ۲۰۱۲م کال د ۲۲۵مه ورځ ده. د کال پای ته ۱۴۱ ورځې پاتې دي.

په تاریخ کې د نن ورځ مهمې پیښې:

د ۱۸۱۳م کال پر همدې ورځ اطریش له فرانسې سره د جگړې اعلان وکړ.

د ۱۹۳۸م کال پر نن ورځ المان د خپل وسله وال پوځ په تیارسئ کولو باندې پیل وکړ.

د ۱۹۵۳م کال پر همدغه ورځ باندې پخواني شوروي اتحاد خپل لومړنۍ هایدروجن بم و ازمویه.

د ۱۹۶۱م کال پر نن ورځ د ختیځ المان پارلمان د یوه دیوال د جوړولو په حق کې رایې ورکړه چې ختیځ برلین له لویدیځې برخې څخه جلا کړي.

د ۱۹۷۴م کال پر همدغه ورځ په بنگله دیش کې د دوو میاشتو د موسمي بارانونو وروسته د سیلابونو له امله شاوخوا دوه نیم زره انسانان ووژل شول او د هیواد ۳۸ سلنه برخه د اوبو لاندې شوه.

د ۱۹۷۸م کار د اگست د میاشتې په دولسمه نیټه چین او جاپان د سولې تړون لاسلیک کړ.

د ۱۹۸۵م کال پر همدغه ورځ د جاپان د هوایي شرکت یوه الوتکه چې له اوساکا څخه ټوکیو ته روانه رانسکوره شوه او پکښې تر ۵۲۰ زیات انسانان ووژل شول.

د ۱۹۹۲م کال پر همدغه ورځ متحده ایالات، کاناډا او مکسیکو د آزاد تجارت پر سر موافقې ته ورسیدل.

د ۲۰۰۳م کال پر نن ورځ په هلمند ولایت کې په یوه سرویس موټر کې د بمي چاودنې له امله تر ۵۰ زیات انسانان ووژل شول.

آژانسونه/ سید ریاض
کتونکی: نجیب الله زیارمل