1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن یکشنبه، د اگست د میاشتې ۵مه نیټه او د ۲۰۱۲مه کال ۲۱۸مه ورځ ده. د کال پای ته ۱۴۸ ورځې پاتې دي.

په تاریخ کې د نن ورځ مهمې پیښې:

د ۱۸۱۰م کال پر همدې ورځ ناپیلیون بونا پارټ له مستعمرو څخه پر وارداتو باندې مالیه وضعه کړه.

د ۱۹۴۹م کال پر نن ورځ په ایکواډور کې سختې زلزلې شاوخوا د ۶۰۰۰ کسانو ژوند واخیست.

د ۱۹۵۴م کال پر همدغه ورځ ایران او د لویدیځو هیوادونو اته شرکتونه پر دې راضي شول چې د ایران د تیلو کنگل شوی صنعت بیرته فعاله کړي.

د ۱۹۹۷م کال پر نن ورځ د کوریا د هوایي شرکت یوه مسافر وړونکي الوتکه په سخت طوفان کې د کښیناستو د هڅې پر وخت له غر سره وجنگیده. په دغه الوتکه کې ۲۵۴ تنه ناست ول او یوازې ۲۶ تنه په دغه پیښه کې ژوندي پاتې شول.

د ۲۰۰۱م کال د اگست د میاشتې پر پنځمه نیټه طالبانو په افغانستان کې د بهرنیو مرستندویه ټولنې اته بهرني کارکوونکي د مسیحت د تبلیغ په تور بندیان کړل.

د ۲۰۰۲م کال پر همدغه ورځ د پاکستان په مري سیمه کې د پروتنستانو پر یوه ښوونځي باندې څلورو نقاب لرونکو کسانو ډزې وکړې چې په ترڅ کې ئې شپږ تنه ووژل شوه او نور ۳ تنه ټپیان شول.

آژانسونه/ سید ریاض
کتونکی: نجیب الله زیارمل