1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن دوشنبه، د جولایي د میاشتې ۳۰مه نیټه او د ۲۰۱۲م کال ۲۱۲مه ورځ ده. د کال پای ته ۱۵۴ ورځې پاتې دي.

په تاریخ کې د نن ورځ مهمې پیښې:

د ۱۶۱۹م کال پر همدې ورځ د متحده ایالاتو لومړنۍ ټاکل شوې اسامبلۍ د ویرجینیا په جیمز ټاون کې غونډه وکړه.

د ۱۷۰۹م کال پر نن ورځ بریتانوي ځواکونو د بلجیم د تورنایي په سیمه کې فرانسویانو ته ماتې ورکړه.

د ۱۹۰۷م کال پر همدغه ورځ په فیلیپین کې د لومړنۍ ولسي جرگې له پاره ټاکنې تر سره شوې.

د ۱۹۵۳م کال پر همدې ورځ بریتانې له لیبیا سره ائتلاف جوړ کړ.

د ۱۹۷۱م کال پر نن ورځ د متحده ایالاتو د اپولو ۱۵ دوه ستور مزلي دیوید سکوټ او جیمز ایروین پر سپوږمۍ ښکته شول.

د ۱۹۸۲م کال د جولایي د میاشتې په دیرشمه نیټه د پاناما ولسمشر د پوځ له لوري د فشارونو له امله تر خپلې ټاکلې نیټې دوه کاله د مخه استعفا ورکړه.

د ۲۰۰۲م کال پر همدې ورځ د کانگو د دموکراتیک جمهوریت ولسمشر او د روانډا ولسمشر د سولې تړون لاسلیک کړ.

د ۲۰۰۶م کال پر نن ورځ د اسرائیلو له لوري توغول شوو توغندیو په لبنان کې لږ تر لږه ۵۶ تنه ووژل چې زیاتره ئې ماشومان ول.

آژانسونه/ سید ریاض
کتونکی: مسعود جهش