1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن دوشنبه، د جولایي د میاشتې ۲۳مه نیټه او د ۲۰۱۲م کال ۲۰۵مه ورځ ده. د کال پای ته ۱۶۱ ورځې پاتې دي.

په تاریخ کې د نن ورځ مهمې پیښې:

د ۱۸۲۹م کال پر همدې ورځ د متحده ایالاتو په مشيگن کې د ویلم برت له خوا د ټايپستي لومړنۍ ماشین ثبت شو.

د ۱۹۱۴م کال پر نن ورځ اطریش او هنگري صربستان ته د آرشیدوک فرانتس فردیناند، تر ترور وروسته ضرب الاجل وټاکه او دغه شخړه بیا په لومړنۍ نړیوالې جگړې تمامه شوه.

د ۱۹۲۰م کال پر همدغه ورځ د پاچا فیصل عربي ځواک د میسلون په معرکه کې ماتې وخوړه او د سوریې کنترول د فرانسې لاس ته ولوید.

د ۱۹۲۱م کال پر نن ورځ په شنگهایي کې د چین د کمونست گوند لومړنۍ غونډه تر سره شوه.

د ۱۹۵۲م کال جولایي د میاشتې پر ۲۳مه نیټه د مصر د پوځ افسرانو د جمال عبدالناصر په مشرۍ د پاچا فاروق اول، له واکه لیرې کړ.

د ۱۹۹۳م کال پر همدې ورځ د بریتانیا لومړي وزیر جان میجر له پارلمان څخه د اعتماد رایې خپله کړه.

د ۲۰۰۱م کال پر همدې ورځ د اندونیزیا ولسي جرگې د دغه هیواد ولسمشر استضاح کړ او د هغه معاون ئې د ولسمشر په توگه وټاکه.

د ۲۰۰۷م کال پر همدې ورځ د افغانستان پخوانی واکمن محمد ظاهر شاه د ۹۲ کلنۍ په عمر ومړ.

آژانسونه/ سید ریاض
کتونکی: نجیب الله ریاض