1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن شنبه، د جولایي دمیاشتې ۷مه نیټه او د ۲۰۱۲م کال ۱۸۹مه ورځ ده. د کال پای ته ۱۷۷ ورځې پاتې دي.

په تاریخ کې د نن ورځ مهمې پیښې:

د ۱۸۹۸م کال پر همدې ورځ د هوایي جزیره، متحده ایالاتو خپل هیواد پورې وتړله.

د ۱۹۳۷م کال پر نن ورځ د جاپان او چین د ځواکونو تر منځ پیکینگ ته څیرمه د مراکو پولو پل، ته څیرمه وسله واله نښته پیل شوه.

د ۱۹۶۰م کال پر همدغه ورځ بلیجیم کانگو ته خپل پوځونه واستول. دغه هیواد تازه په دغه وخت کې خپلواکي تر لاسه کړې وه.

د ۱۹۸۷م کال پر نن ورځ په هندوستان کې په دوو جلا جلا پیښو کې ۴۶ تنه هندوان ووژل شول. دغه بریدونه د شکمنو تروریستو سکهانو له لوري تر سره شوي ول.

د ۱۹۹۴م کال د جولایي د میاشتې پر اوومه نیټه په یمن کې دوه میاشتنې کورنۍ جگړه پای ته ورسیده.

د ۲۰۰۲م کال پر همدې ورځ په اوکراین کې د سکرو په کان کې د اور لگیدنې له امله ۳۴ کان کیندونکي ووژل شول.

د ۲۰۰۷م کال پر نن ورځ په عراق کې د یوه ځانمرگي برید په ترڅ کې چې چاودیدونکي توکې په یوه لارې موټر کې ځای پر ځای کړل شوي وو تر سلو زیات کسان ووژل.

د ۲۰۰۸م کال پر همدغه ورځ په کابل کې د هندوستان د سفارت مخې ته په یوه ځانمرگي برید کې تر څلویښتو زیات کسان ووژل شول.

آژانسونه/ سید ریاض
کتونکی: مسعود جهش