1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن دوشنبه، د جولایي د میاشتې دویمه نیټه او د ۲۰۱۲م کال ۱۸۴مه ورځ ده. د کال پای ته ۱۸۲ ورځې پاتې دي.

په تاریخ کې د نن ورځ مهمې پیښې:

د ۱۶۵۷م کال پر همدې ورځ دنمارک پر سویدن باندې برید وکړ. په دې وخت کې دنمارک له روسیې، پولند او اسرتیا سره لا مخکې په جګړه بوخت وو.

د ۱۹۳۷م کال پر نن ورځ دوو امریکایي پیلوټانو چې غوښتل ئې له پیسفیک څخه تیر شي لا درکه شول.

د ۱۹۴۷م کال پر همدغه ورځ د متحده ایالاتو په نیو مکسیکو ایالت کې یو شی له اسمان څخه راولوید. د متحده ایالاتو پوځ لومړۍ اعلان وکړ چې دا د بلې سیارې د اوسیدونکې هوایي بیړۍ وي خو بیا ئې وروسته وویل چې رالویدلی شی یوازی د هوا د حالاتو د معلومولو یوه بیړۍ وه.

د ۱۹۶۶م کال پر نن ورځ فرانسې د لومړي ځل له پاره یو اتومي بم وازمویه.

د ۱۹۷۶م کال پر همدغه ورځ شمالي او جنوبي یونان تر شاوخوا ۲۰ کلونو جدایي بیرته سره یوځای شول.

د ۲۰۱۰م کال د جولایي د میاشتې په دویمه نیټه طالبانو په کابل کې پر یوه تعمیر باندې برید وکړ او څلور کسان ئې ووژل.

آژانسونه/ مسعود جهش
کتونکی: نجیب الله زیارمل